ഹരിപ്പാട്: പള്ളിപ്പാട് നടുവട്ടം ഇരട്ടക്കുളങ്ങര ദേവീക്ഷേത്രത്തിന് സമീപം പ്രവര്‍ത്തിച്ചിരുന്ന സേവാഭാരതിയുടെ ഓഫീസ് തകര്‍ത്തു. തിങ്കളാഴ്ച അര്‍ദ്ധ രാത്രിയോടുകൂടിയായിരുന്നു സംഭവം. ഓഫീസ് കെട്ടിടത്തിന്റെ ഗേറ്റ് എടുത്തുമാറ്റി വൈദ്യുതി മെയിന്‍സ്വിച്ച് തല്ലിത്തകര്‍ത്തശേഷം ഇരുട്ടിന്റെ മറവിലായിരുന്നു അക്രമം നടത്തിയത്. ഓഫീസിന്റെ മുന്നിലുണ്ടായിരുന്ന കൊടിമരം, ഫ്‌ളക്‌സ് ബോര്‍ഡും തകര്‍ത്തു. അഖിലകേരള വിശ്വകര്‍മ്മസഭയുടെ കെട്ടിടത്തില്‍ കഴിഞ്ഞ ആറ് മാസമായി സേവാഭാരതിയുടെ ഓഫീസ് പ്രവര്‍ത്തിച്ചുവരികയായിരുന്നു. തിങ്കളാഴ്ച രാത്രി ഒമ്പതര വരെ ഓഫീസില്‍ പ്രവര്‍ത്തകര്‍ ഉണ്ടായിരുന്നു. ഇതിനുശേഷമാണ് അക്രമം നടത്തിയതെന്നും സംശയിക്കപ്പെടുന്നു. അക്രമികളെ അറസ്റ്റ് ചെയ്യണമെന്ന് ആവശ്യപ്പെട്ട് സേവാഭാരതി പ്രവര്‍ത്തകര്‍ ഹരിപ്പാട് പോലീസില്‍ പരാതി നല്‍കി. പ്രതികളെ ഉടന്‍ പിടികൂടുമെന്ന് പോലീസ് അറിയിച്ചു.
Wednesday, November 27, 2024
പള്ളിപ്പാട് സേവാഭാരതിയുടെ ഓഫീസ് കെട്ടിടം തകര്‍ത്തു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: