ബൈക്കിലെത്തിയ സംഘം യുവതിയുടെ മാല കവര്‍ന്നു

കുട്ടനാട്: ബൈക്കിലെത്തിയ സംഘം യുവതിയുടെ മാല കവര്‍ന്നു. പുളിങ്കുന്ന് വടക്കേച്ചിറ വീട്ടില്‍ രേണുകയുടെ അഞ്ചു പവന്‍ മാലയാണ് കവര്‍ന്നത്. ശനിയാഴ്ച വൈകിട്ട് അഞ്ചരയ്‌ക്കായിരുന്നു സംഭവം. പുളിങ്കുന്ന് പള്ളിക്കൂട്ടുമ്മ റോഡിലൂടെ നടന്നുപോവുകയായിരുന്ന യുവതിയുടെ പിന്നാലെയെത്തിയ സംഘം മാല പൊട്ടിച്ച് കടന്നുകളയുകയായിരുന്നു. ആധാരമെഴുത്ത് ജീവനക്കാരിയാണ് രേണുക. പുളിങ്കുന്ന് പോലീസ് കേസെടുത്ത് അന്വേഷണം ആരംഭിച്ചു.