തകഴി: തകഴി പാലം സാമൂഹ്യവിരുദ്ധരുടെ കേന്ദ്രം; പാലത്തിലെ വഴിവിളക്കുകള്‍ അണച്ച് കെഎസ്ഇബിയുടെ സഹായം. രാത്രികാലങ്ങളില്‍ സാധാരണക്കാര്‍ക്ക് ഒറ്റയ്‌ക്ക് യാത്ര ചെയ്യാന്‍ സാധിക്കാത്ത തരത്തിലാണ് കൂരിരുട്ടിലായ തകഴി പാലം. പാലത്തില്‍ തെരുവു വിളക്കുകള്‍ സ്ഥാപിച്ചിട്ടുണ്ടെങ്കിലും ഇത് പ്രവര്‍ത്തിപ്പിക്കാന്‍ കെഎസ്ഇബി തയാറാകാറില്ല. പഞ്ചായത്ത് ഭരണസമിതിയും പാലത്തെ അവഗണിച്ച നിലയിലാണ്. ഏതാനും മാസം മുമ്പ് രാത്രിയുടെ മറവില്‍ യുവാക്കള്‍ക്ക് ക്രൂര മര്‍ദ്ദനമേല്‍ക്കേണ്ടി വന്ന സംഭവവും ഇവിടെയുണ്ടായിട്ടുണ്ട്. മോഷ്ടാക്കള്‍ക്കും ക്രിമിനല്‍ സംഘങ്ങള്‍ക്കും എന്തും ഒളിപ്പിച്ചുവയ്‌ക്കാനും തമ്പടിക്കാവുന്ന രീതിയിലും കാടുപിടിച്ച നിലയിലുമാണ് പ്രദേശം. അടിയന്തരമായി എംഎല്‍എ ഉള്‍പ്പെടെയുള്ളവര്‍ പ്രശ്‌നത്തില്‍ ഇടപെടണമെന്ന് നാട്ടുകാര്‍ ആവശ്യപ്പെട്ടു.
Wednesday, November 27, 2024
തകഴി പാലം സാമൂഹ്യവിരുദ്ധരുടെ താവളമായി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: