ഷോര്‍ട്ട് സര്‍ക്യൂട്ട്: വീട് കത്തി നശിച്ചു

ആലപ്പുഴ: വൈദ്യുതി ഷോര്‍ട്ട് സര്‍ക്യൂട്ടിനെ തുടര്‍ന്ന് വീട് കത്തി നശിച്ചു. പൂന്തോപ്പ് പനവേലിക്കണ്ടത്തില്‍ അല്‍ഫോണ്‍സയുടെ വീടാണ് കത്തി നശിച്ചത്. ഞായറാഴ്ച പുലര്‍ച്ചെയായായിരുന്നു സംഭവം. സംഭവം നടക്കുമ്പോള്‍ വീട്ടിലാരും ഇല്ലാതിരുന്നതിനാല്‍ വന്‍ദുരന്തം ഒഴിവായി. ഫര്‍ണീച്ചറുകളും മറ്റ് വീട്ടുപകരണങ്ങളും റേഷന്‍ കാര്‍ഡ് ഉള്‍പ്പെടെയുള്ള രേഖകളും കത്തി നശിച്ചു. ഒരു ലക്ഷം രൂപയുടെ നഷ്ടം കണക്കാക്കുന്നു.