ആലപ്പുഴ: പണദൗര്‍ലഭ്യം മൂലം ജില്ലയിലെ ആര്‍ഒ പ്ലാന്റുകളുടെ അറ്റകുറ്റപ്പണി ചെയ്യുന്നതിന് എംപി-എംഎല്‍എ ഫണ്ട്, തദ്ദേശ സ്ഥാപനങ്ങളുടെ പദ്ധതിവിഹിതം തുടങ്ങിയവ വഴിതുക ലഭ്യമാക്കാന്‍ ആര്‍ഒ പ്ലാന്റുകളുടെ പ്രവര്‍ത്തനം അവലോകനം ചെയ്യുന്നതിന് ജില്ലാ കളക്ടര്‍ എന്‍. പത്മകുമാറിന്റെ അധ്യക്ഷതയില്‍ ചേര്‍ന്ന യോഗത്തില്‍ തീരുമാനമായി. എട്ടു പ്ലാന്റുകളുടെ അറ്റകുറ്റപ്പണിക്കുള്ള 15 ലക്ഷം രൂപ ഉടനെ അനുവദിക്കുമെന്ന് എംഡി അറിയിച്ചു.
കരളകം പാടത്തിലെ ആര്‍ഒ പ്ലാന്റിന്റെ അറ്റകുറ്റപ്പണി ഒരാഴ്ചയ്‌ക്കകവും കൊമ്മാടി, പൂന്തോപ്പ് എന്നിവിടങ്ങളിലേത് 10 ദിവസത്തിനകവും പൂര്‍ത്തിയാക്കാന്‍ തീരുമാനിച്ചു. വടികാട് പമ്പ് ഹൗസ് 15 ദിവസത്തിനകവും പഴവീട്ടിലേത് ഒരു മാസത്തിനകവും ചുടുകാട്, ഇഎസ്‌ഐ, തൂക്കുകുളം എന്നിവയിലേത് രണ്ടു മാസത്തിനകവും പൂര്‍ത്തിയാക്കും. പഴവീട്ടില്‍ ആര്‍ഒ പ്ലാന്റു വഴി ഭാഗികമായി ജലവിതരണം തുടങ്ങി. അവിടെ കൂടുതല്‍ ജലം എടുക്കുന്നതിനു രണ്ടു മാസത്തിനകം പുതിയ കുഴല്‍ക്കിണര്‍ നിര്‍മ്മിക്കുന്നതിന് വാട്ടര്‍ അതോറിറ്റി അധികൃതര്‍ എസ്റ്റിമേറ്റ് തയ്യാറാക്കിയിട്ടുണ്ട്. കേടായ കുഴല്‍ക്കിണര്‍ മൂന്നാഴ്ചയ്‌ക്കകം ഉപയോഗ ക്ഷമമാക്കും.
പ്രതികരിക്കാൻ ഇവിടെ എഴുതുക: