വൈക്കം മാളവികക്ക് 50. മലയാള നാടകരംഗത്ത് 50 വര്‍ഷം പൂര്‍ത്തിയാക്കിയ വൈക്കം മാളവികയുടെ ഗോള്‍ഡന്‍ ജൂബിലി നാടകമായ വാസുവേട്ടന്‍ ജീവിച്ചിരിപ്പുണ്ട് എന്ന നാടകത്തിന്റെ ഉദ്ഘാടനം നവംബര്‍ ആദ്യവാരം എറണാകുളം ടൗണ്‍ഹാളില്‍ മമ്മൂട്ടി നിര്‍വഹിക്കും. സംസ്ഥാന സര്‍ക്കാര്‍ അവാര്‍ഡു ജേതാക്കളായ ഹേമന്ത്കുമാര്‍ എഴുതി രാജേഷ് ഇരുളം സംവിധാനം ചെയ്യുന്ന ഈ നാടകത്തില്‍ പ്രധാനവേഷം അഭിനയിക്കുന്നത് പ്രദീപ് മാളവികയാണ്.
വൈക്കത്തുകാരനായ മമ്മൂട്ടി എന്ന നടന്‍ കലാരംഗത്തേയ്‌ക്ക് തുടക്കം കുറിച്ച നാളുകളില്‍ വൈക്കം മാളവികയുടെ നാടകത്തില്‍ അഭിനയിക്കുവാന്‍ തീരുമാനിച്ചിരുന്നുവത്രെ. അഭിനയവും വിദ്യാഭ്യാസവും ഒരുമിച്ച് കൊണ്ടുപോകാന്‍ സാധിക്കാതിരുന്നതിനാല്‍ അത് നടക്കാതെ പോവുകയായിരുന്നു. മമ്മൂട്ടിയെ വൈക്കം മാളവികയുടെ 50-ാം നാടകത്തിന്റെ ഉദ്ഘാടനത്തിന് കിട്ടുന്നത് വലിയ കാര്യമാണെന്ന് മാളവിക പ്രവര്‍ത്തകര്‍ പറയുന്നു.
പ്രതികരിക്കാൻ ഇവിടെ എഴുതുക: