പേപ്പര്‍ കമ്മലുകള്‍ എന്നു കേള്‍ക്കുമ്പോള്‍ അതെന്തു കമ്മലെന്ന് ചോദിക്കാത്തവരുണ്ടാവില്ല. ഫാഷന്‍ ലോകത്ത് ഇന്നത്തെ ട്രെന്‍ഡ് പേപ്പര്‍കമ്മലുകളാണ്. പല നിറത്തിലും വലുപ്പത്തിലുമുള്ള പേപ്പര്‍ കമ്മലുകള്‍ ഇന്ന് വിപണിയില്‍ ലഭ്യമാണ്.
അധികം പണച്ചെലവില്ലാതെ വീട്ടിലിരുന്നും പേപ്പര്‍ കമ്മലുകള്‍ നിര്‍മ്മിക്കാം. പേപ്പര്‍ കമ്മലുകളില്‍ ജിമുക്കികള്‍ക്കാണ് ആവശ്യക്കാര്‍ ഏറെ. ഭാരക്കുറവാണ് മറ്റ് കമ്മലുകളില്‍ നിന്ന് ഇവയെ വേറിട്ടുനിര്‍ത്തുന്നത്. കുറഞ്ഞ വിലയില്‍ പേപ്പര്‍ കമ്മലിന്റെ അസംസ്‌കൃത വസ്തുക്കള്‍ വിപണിയില്‍ ലഭിക്കുന്നതിനാല്‍ പ്രായഭേദമന്യേ എല്ലാവരും കമ്മല്‍ നിര്‍മ്മാണത്തിലേക്ക് മാറിയിരിക്കുകയാണ്. അഞ്ചോ പത്തോ മിനിറ്റുകൊണ്ട് വിവിധ തരത്തിലുള്ള കമ്മലുകള്‍ നിര്‍മ്മിച്ചെടുക്കാനാവും. കുട്ടികള്‍ മുതല്‍ വീട്ടമ്മമാര്‍ക്കുവരെ ചെറിയ വരുമാനം ഇതിലൂടെ കണ്ടെത്താനും സാധിക്കും.
മറ്റു കമ്മലുകളെ അപേക്ഷിച്ച് വിലക്കുറവായതിനാല്‍ എല്ലാവരും ഇപ്പോള്‍ പേപ്പര്‍ കമ്മലുകള്‍ക്ക് പിറകെയാണ്. പേപ്പര്‍ കമ്മല്‍ ഉണ്ടാക്കുന്നതിനാവശ്യമുള്ള പേപ്പറും പശയും കാതില്‍ ഘടിപ്പിക്കാനുള്ള കൊളുത്തും പ്രമുഖ ഫാന്‍സി കടകളിലെല്ലാം ലഭ്യമാണ്. 50 രൂപ മുതല്‍ 500 രൂപവരെയുള്ള പേപ്പര്‍ കമ്മലുകള്‍ ഇപ്പോള്‍ വിപണിയില്‍ ലഭിക്കും.
പ്രതികരിക്കാൻ ഇവിടെ എഴുതുക: