അമ്പലപ്പുഴ: മയക്കുമരുന്നുമാഫിയകള്‍ അഴിഞ്ഞാടുന്നു. ദേശീയപാതയില്‍ പുന്നപ്ര പവര്‍ഹൗസിനു സമീപമാണ് മദ്യമയക്കുമരുന്നു മാഫിയകള്‍ അഴിഞ്ഞാടുന്നത്. ഇതേ തുടര്‍ന്ന് സന്ധ്യസമയങ്ങളില്‍ സ്ത്രീകള്‍ക്കും കുട്ടികള്‍ക്കും വഴിനടക്കാന്‍ സാധിക്കുന്നില്ല. ബിവറേജ്‌സ് ഔട്ട്‌ലെറ്റില്‍ നിന്നു വാങ്ങിക്കുന്ന മദ്യം ഇരുചക്രവാഹനങ്ങളിലാണ് ഇവര്‍ ഉപഭോക്താക്കള്‍ക്ക് വിതരണം ചെയ്യുന്നത്. എന്നാല്‍ ഇവര്‍ ഉപയോഗിക്കുന്ന ഇരുചക്രവാഹനങ്ങള്‍ക്ക് ഒരു രേഖ പോലും ഇല്ല. അന്യസംസ്ഥാനങ്ങളില്‍ നിന്നും ഏജന്റ് മുഖേന ഇവിടെയെത്തിക്കുന്ന കഞ്ചാവ് പാന്‍മസാല തുടങ്ങിയ ലഹരി പദാര്‍ത്ഥങ്ങള്‍ രാവും പകലും ഈ ഭാഗത്ത് സുലഭമാണ്. മദ്യപിച്ചഴിഞ്ഞാടുന്ന യുവാക്കളുടെ ശല്യം മൂലം ബീച്ച് റോഡില്‍കൂടി സന്ധ്യകഴിഞ്ഞാല്‍ സ്ത്രീകള്‍ക്കോ കുട്ടികള്‍ക്കോ നടക്കാന്‍ പറ്റാത്ത അവസ്ഥയാണ്. ഈ പ്രദേശങ്ങളില്‍ തെരുവുവിളക്കുകള്‍ തെളിയാത്തത് സാമൂഹ്യവിരുദ്ധര്‍ക്ക് അവസരമായി മാറിയിരിക്കുകയാണ്. അധികാരികള്‍ ഇതിന് സത്വരനടപടി സ്വീകരിച്ചില്ലെങ്കില്‍ ഇവിടെ വന്‍ സംഘര്‍ഷാവസ്ഥ ഉണ്ടാക്കാന്‍ സാധ്യത ഉണ്ടെന്ന് ചൂണ്ടികാണിക്കപ്പെടുന്നു.
Saturday, December 28, 2024
മദ്യമയക്കുമരുന്നു മാഫിയകള്‍ അഴിഞ്ഞാടുന്നു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: