കൊച്ചി: പിയാജിയോയുടെ പുതിയ പ്രീമിയം ലിമിറ്റഡ് എഡിഷന്‍ വെസ്പ എലഗന്റ് വിപണിയിലെത്തി. രണ്ട് മെറ്റാലിക് നിറങ്ങളില്‍ ലഭ്യമാണ്; മാരോണ്‍ ക്രീറ്റ് സെന്‍സിയും ബ്രിയാന്‍കോ പേള്‍ലായും. ക്രോം ഗ്രില്‍ ഉള്‍പ്പെടുന്ന മുന്‍ഭാഗം, ലെതര്‍ ഫിനിഷ്ഡ് ട്വിന്‍ സീറ്റ്, ഫ്രണ്ട് ബംപര്‍ ഗാര്‍ഡിനൊപ്പമുള്ള ഓള്‍റൗണ്ട് ഗാര്‍ഡ് കിറ്റ്, ലിമിറ്റഡ് എഡിഷന്‍ എലഗന്റ് ബാഡ്ജ് എന്നിവയാണ് പ്രത്യേകതകള്‍.
125 സിസി വാല്‍വ്, ഡിസ്‌ക് ബ്രേക്കുകള്‍, ട്യൂബ്‌ലസ് ടയറുകള്‍, അലോയ് കോംബിനേഷന്‍ വീലുകള്‍ എന്നിവയാണ് മറ്റ് സവിശേഷതകള്‍. ദല്‍ഹി എക്‌സ് ഷോറൂം വില 78,999 രൂപ. ഐക്കോണിക് വെസ്പയുടെ പാരമ്പര്യം പുതിയൊരു തലത്തിലേയ്‌ക്ക് ഉയര്‍ത്തുകയാണ് വെസ്പാ എലഗന്റ് എന്ന് പിയാജിയോ വെഹിക്കിള്‍സ് ഇന്ത്യ ചെയര്‍മാനും മാനേജിംഗ് ഡയറക്ടറുമായ രവിചോപ്ര പറഞ്ഞു.
പ്രതികരിക്കാൻ ഇവിടെ എഴുതുക: