നങ്കൂരമിട്ടിരുന്ന വള്ളത്തിന്റെ എന്‍ജിന്‍ മോഷ്ടിച്ചു

അമ്പലപ്പുഴ: പൊഴിമുഖത്ത് നങ്കൂരമിട്ടിരുന്ന മത്സ്യബന്ധന വള്ളത്തിന്റെ എന്‍ജിന്‍ മോഷ്ടിച്ചു. തോട്ടപ്പള്ളി പുത്തന്‍പറമ്പില്‍ ശിവപ്രസാദിന്റെ ഉടമസ്ഥതയിലുള്ള ദര്‍ശനം വള്ളത്തിന്റെ ഡിടിഎ കെഎല്‍സിഒ 64 രജിസ്റ്റര്‍ നമ്പറിലെ 9.9 സുസൂക്കി എന്‍ജിനാണ് ബുധനാഴ്ച പുലര്‍ച്ചെ മോഷണം പോയത്. മത്സ്യഫെഡില്‍ നിന്ന് 1,10,000 രൂപ വായ്പയെടുത്ത് എട്ടുമാസം മുമ്പാണ് 16 തൊഴിലാളികള്‍ പണിയെടുക്കുന്ന വള്ളത്തിന്റെ എന്‍ജിന്‍ വാങ്ങിയത്. മത്സ്യഫെഡിലും അമ്പലപ്പുഴ പോലീസ് സ്‌റ്റേഷനിലും പരാതി നല്‍കി.