ഇഎംഎസും പെണ്‍കുട്ടിയും റിലീസിന്‌ ഒരുങ്ങുന്നു. പ്രശസ്തകഥാകൃത്ത്‌ ബെന്യാമിന്റെ ഇഎംഎസും പെണ്‍കുട്ടിയും എന്ന കഥയെ ആസ്പദമാക്കി റഫീഖ്‌ റാവുത്തര്‍ സംവിധാനം ചെയ്യുന്ന സിനിമയുടെ നിര്‍മാണം ക്രിസ്‌ സിനിമാ ബാനറില്‍ സന്തോഷ്‌ ഓട്ടപ്പള്ളിയാണ്‌. ശ്രീനിവാസന്‍, നരേന്‍, ഇന്നസെന്റ്‌, തമ്പി ആന്റണി എന്നിവര്‍ക്കൊപ്പം തമിഴ്‌ നടന്‍മാരായ കരുണാസ്‌, ശരവണന്‍ എന്നിവരും അഭിനയിക്കുന്നു. കനിഹ, ഗീത, എന്നിവര്‍ക്കൊപ്പം കഥയുടെ ഗതിമാറ്റുന്ന നിര്‍ണായക വേഷത്തില്‍ അഭിനയിക്കുന്നത്‌ അമേരിക്കയില്‍നിന്നുള്ള തിയറ്റര്‍ വിദ്യാര്‍ഥിനി സാക്ഷ ശ്രീദേവി കുമാറാണ്‌.
ഇളയരാജ എഴുതി സംവിധാനംചെയ്ത രണ്ടു തമിഴ്പാട്ടുകളും റഫീക്ക്‌ അഹമ്മദ് രചന നിര്‍വഹിച്ച മൂന്നു മലയാള ഗാനങ്ങളും സിനിമയിലുണ്ട്‌. ഇളയരാജയ്‌ക്കൊപ്പം ഗാനാലാപനം നടത്തുന്നത്‌ കാര്‍ത്തിക്‌, വിജയ് പ്രകാശ്‌, ഇളയരാജയുടെ മകള്‍ ഭവതരണി, വിധുപ്രതാപ്‌, മഞ്ജരി, ബേലാ ഷിന്റെ എന്നിവരാണ്‌. ശ്രീലങ്കയില്‍ ചിത്രീകരണം പൂര്‍ത്തിയായി. അവസാനഭാഗം കാനഡയിലും അമേരിക്കയിലുമായി ഷൂട്ടിങ്‌ പൂരോഗമിക്കുന്നു.
പ്രതികരിക്കാൻ ഇവിടെ എഴുതുക: