ഒരിടവേളയ്‌ക്ക്‌ ശേഷം വസുദേവ്‌ സനല്‍ സംവിധാനം നിര്‍വഹിക്കുന്ന റെഡ്‌ പ്രദര്‍ശനത്തിന്‌ തയ്യാറായി. നീണ്ട താരനിര ഒന്നിക്കുന്ന ഈ ചിത്രത്തില്‍ ആസിഫ്‌ അലി, ശ്രീനിവാസന്‍, ഫഹദ്‌ ഫാസില്‍, ലാല്‍ എന്നിവരാണ്‌ പ്രധാന കഥാപാത്രങ്ങളെ അവതരിപ്പിക്കുന്നത്‌. അരുണ്‍ ഗോപിനാഥ്‌, പ്രവീണ്‍ കുമാര്‍, അനീഷ്‌ ഫ്രാന്‍സിസ്‌ എന്നിവര്‍ ചേര്‍ന്നാണ്‌ റെഡിന്റെ തിരക്കഥ രചിച്ചിരിക്കുന്നത്‌.
മൈഥിലി, ലെന, വിഷ്ണുപ്രിയ, മണിക്കുട്ടന്‍ തുടങ്ങിയവരും അഭിനയിക്കുന്നു. ഇഷ തല്‍വാറും പ്രധാന വേഷത്തിലെത്തുന്നു. ഫഹദിന്റെ ജോഡിയായിട്ടാണ്‌ ഇഷ റെഡില്‍ വേഷമിടുന്നത്‌. അജി മേടയില്‍, ജോയ്‌ എന്നിവരാണ്‌ നിര്‍മാതാക്കള്‍. റഫീഖ്‌ അഹമ്മദിന്റെ വരികള്‍ക്ക്‌ ഈണം പകര്‍ന്നിരിക്കുന്നത്‌ ഗോപീ സുന്ദര്‍.
പ്രതികരിക്കാൻ ഇവിടെ എഴുതുക: