എംടി, ഹരിഹരന്‍ കൂട്ടുകെട്ടില്‍ ഒരുങ്ങുന്ന ഏഴാമത്തെ വരവ്‌ ഓണത്തിന്‌ പ്രദര്‍ശനത്തിനെത്തും. ഇന്ദ്രജിത്തും ഭാവനയുമാണ്‌ ചിത്രത്തില്‍ കേന്ദ്ര കഥാപാത്രങ്ങളെ അവതരിപ്പിക്കുന്നത്‌. വിനീത്‌, വിനു മോഹന്‍, കവിത, സുരേഷ്‌ കൃഷ്ണ, മാമുക്കോയ, ക്യാപ്റ്റന്‍ രാജു തുടങ്ങിയവരാണ്‌ മറ്റുകഥാപാത്രങ്ങളെ അവതരിപ്പിക്കുന്നത്‌. ചരിത്രകാരന്റെ റോളിലാണ്‌ വിനീത്‌ ഈ ചിത്രത്തിലെത്തുന്നത്‌.
എംടി വാസുദേവന്‍ നായരും ഹരിഹരനും ഒന്നിക്കുന്ന 14-ാ‍മത്തെ ചിത്രമാണ്‌ ഏഴാമത്തെ വരവ്‌. ചിത്രത്തിന്റെ കഥയും തിരക്കഥയും എംടിയുടേതാണ്‌. സംഗീതം ഒരുക്കിയിരിക്കുന്നത്‌ ഹരിഹരന്‍ തന്നെയാണെന്ന പ്രത്യേകതയും ഉണ്ട്‌. മനുഷ്യബന്ധത്തിന്‌ കൂടുതല്‍ പ്രാധാന്യം നല്‍കി, സ്നേഹവും പ്രതികാരവുമെല്ലാം ചേര്‍ന്നുള്ള കഥയാണ്‌ ഏഴാമത്തെ വരവ്‌. ഗായത്രി ഫിലിംസിന്റെ ബാനറില്‍ ഹരിഹരനാണ്‌ ചിത്രം നിര്‍മിക്കുന്നത്‌. കാടിന്റെ പ്രേമഛായയില്‍ എംടിയുടെ വ്യത്യസ്തമായ തിരക്കഥ എന്ന ലേബലോടെയാണ്‌ ചിത്രം തിയേറ്ററുകളിലെത്തുക.
പ്രതികരിക്കാൻ ഇവിടെ എഴുതുക: