ബ്ലെസിയുടെ പുതിയ ചിത്രത്തില്‍ ഫഹദിന്‌ നായികയായി നസൃയ നസീം. ബ്ലെസി തിരക്കഥയെഴുതുന്ന ചിത്രത്തിന്‌ പേരിട്ടിട്ടില്ല. രാജു മല്യത്താണ്‌ ചിത്രം നിര്‍മിക്കുന്നത്‌.
കണ്ണൂരിലെ അക്രമ രാഷ്‌ട്രീയമാണ്‌ സിനിമയുടെ പ്രമേയം. സത്യന്‍ അന്തിക്കാട്‌ ഒരുക്കിയ ഒരു ഇന്ത്യന്‍ പ്രണയകഥ എന്ന സിനിമയ്‌ക്കു ശേഷം ഫഹദ്‌ വീണ്ടും രാഷ്‌ട്രീയക്കാരനാകുന്ന സിനിമ കൂടിയാകും ഇത്.
അഞ്ജലി മേനോന്‍ സംവിധാനം ചെയ്യുന്ന ബഹുതാര ചിത്രത്തിലും ഫഹദിന്റെ നായിക നസൃയയാണ്‌. നിവിന്‍ പോളിക്കൊപ്പം ഓം ശാന്തി ഓശാന, ദുല്‍ക്കര്‍ സല്‍മാനൊപ്പം സലാല മൊബെയില്‍സ്‌ എന്നീ സിനിമകളാണ്‌ മലയാളത്തില്‍ നസൃയുടേതായി റിലീസാകാനുള്ളത്‌.
പ്രതികരിക്കാൻ ഇവിടെ എഴുതുക: