ഫഹദ് ഫാസില്‍ നായകനാകുന്ന പുതിയ ചിത്രമായ ഗോഡ്‌സ് ഓണ്‍ കണ്‍ട്രിയുടെ ആദ്യ ടീസര്‍ പുറത്തിറങ്ങി.
കൊച്ചി നഗരത്തില്‍ ഒരു ദിവസം ഉണ്ടാകുന്ന വ്യത്യസ്ഥ സംഭവങ്ങളിലൂടെയാണ് ചിത്രം പുരോഗമിക്കുന്നത്. ഭാര്യക്കുവേണ്ടി ദുബായിയില്‍ നിന്നും കൊച്ചിയിലെത്തുന്ന മനു കൃഷ്ണ, മകളുടെ ജീവന്‍ രക്ഷിക്കാനായി ഇറങ്ങി പുറപ്പെടുന്ന മുഹമ്മദ്, കുറ്റകൃത്യങ്ങള്‍ക്കെതിരെ പടപൊരുതുന്ന പബ്ലിക്ക് പ്രോസിക്യൂട്ടര്‍ അഡ്വ. മാത്തന്‍ തരകന്‍. ഇവരുടെ വളരെ വ്യത്യസ്ഥങ്ങളില്‍ വ്യത്യസ്ഥമായ ഒരു ദിവസത്തെ കഥയാണ് ചിത്രം പറയുന്നത്.
വാസുദേവ് സനല്‍ സംവിധാനം ചെയ്യുന്ന ചിത്രമാണ് ഗോഡ്‌സ് ഓണ്‍ കണ്‍ട്രി. ശ്രീനിവാസന്‍, ലാല്‍, നന്ദു, മണിക്കുട്ടന്‍, പ്രശാന്ത്, ഇഷ തല്‍വാര്‍, മൈഥിലി, ലെന, ലക്ഷ്മി പ്രിയ, വിഷ്ണു പ്രിയ തുടങ്ങിയവരും ചിത്രത്തിലുണ്ട്.
ആന്റോ ജോസഫാണ് ചിത്രം നിര്‍മ്മിച്ചിരിക്കുന്നത്. നവാഗതരായ അരുണ്‍ ഗോപിനാഥ്, അനീഷ് ഫ്രാന്‍സിസ്, വി. പ്രവീണ്‍ കുമാര്‍ എന്നിവര്‍ ചേര്‍ന്നാണ് സിനിമയുടെ രചന നിര്‍വഹിച്ചത്.
പ്രതികരിക്കാൻ ഇവിടെ എഴുതുക: