ശാസ്താംകോട്ട: സിബിഎസ്‌ഇ പരീക്ഷയില്‍ ഉന്നതവിജയം നേടിയ സാന്ദ്രയുടെ വീട്ടിലേക്ക്‌ കേന്ദ്രമാനവവിഭവശേഷി മന്ത്രി സ്മൃതി ഇറാനിയുടെ കൈയ്യൊപ്പ്‌ പതിഞ്ഞ അനുമോദന പത്രം.
കൊല്ലം ശാസ്താംകോട്ട രാജഗിരി കാര്‍മ്മല്‍ ഹൗസില്‍ സാംസണ്‍ ഗ്രയ്സ്‌ ദമ്പതികളുടെ മകള്‍ സാന്ദ്രയ്ക്ക് കേന്ദ്രമന്ത്രി നല്‍കിയ അംഗീകാരം ഉന്നത വിജയത്തേക്കാള്‍ ആഹ്ലാദകരമായി. രാജഗിരി ബ്രൂക്ക്‌ ഇന്റര്‍നാഷണല്‍ സ്കൂളില്‍ സിബിഎസ്‌ഇ, പ്ലസ്ടു പരീക്ഷയില്‍ ബയോളജിക്ക്‌ 100 ല്‍ 99 മാര്‍ക്ക്‌ സാന്ദ്ര വാങ്ങിയതിനാണ്‌ കേന്ദ്രമന്ത്രിയുടെ അനുമോദനം. ഈ മാസം 2ന്‌ അയച്ച്‌ കത്ത്‌ കഴിഞ്ഞ ദിവസമാണ്‌ സാന്ദ്രയ്ക്ക് ലഭിച്ചത്‌.
കഠിനാധ്വാനത്തിന്റെയും അര്‍പ്പണബോധത്തിന്റെയും വിജയമാണിതെന്ന്‌ മന്ത്രിയുടെ കത്തില്‍ വിവരിക്കുന്നു. വീടിനും നാടിനും രാജ്യത്തിനും സാന്ദ്ര അഭിമാനമാണെന്നും കത്തില്‍ അനുമോദിക്കുന്നു.
പ്രതികരിക്കാൻ ഇവിടെ എഴുതുക: