കൊച്ചി: ഹോം അപ്ലയന്‍സ് ഇലക്ട്രോണിക്‌സ് രംഗത്ത് പ്രമുഖ ബ്രാന്റായ ഇംപക്‌സിന്റെ സാരഥി സി. നുവൈസിന് യുവസംരംഭകനുള്ള ജേസിഐ ബിസിനസ് എക്‌സിലന്‍സി അവാര്‍ഡ്. ജേസിഐ സോണ്‍ 20 യുടെ മിഡ്‌കോണ്‍ സമ്മര്‍ഫെസ്റ്റ് സമ്മേളനത്തോടനുബന്ധിച്ച് മെയ് 31ന് തൃശൂര്‍ വാടാനപ്പള്ളി ധന്യ റിസോര്‍ട്ടില്‍ നടക്കുന്ന സമ്മേളനത്തില്‍ അവാര്‍ഡ് വിതരണം ചെയ്യും. 10001 രൂപയും ശില്‍പവും അടങ്ങിയതാണ് അവാര്‍ഡ്.
സമ്മേളനം ജേസിഐ അന്തര്‍ദേശീയ പ്രസിഡന്റ് ഷൈന്‍ ഭാസ്‌കരന്‍ ഉദ്ഘാടനം ചെയ്യും.
ഹോം അപ്ലയന്‍സസ് കണ്‍സ്യൂമര്‍ ഇലക്ട്രോണിക്‌സ് രംഗത്തെ പ്രമുഖ ബ്രാന്‍ഡായ ഇംപെക്‌സിന്റെ എംഡിയാണ് നുവൈസ് സി. ജീവിതത്തിന് പുതുമയുടെ സ്പര്‍ശമേകൂ എന്ന മുദ്രാവാക്യവുമായി ഉപഭോക്താക്കളുടെ മനം കവര്‍ന്ന ഇംപെക്‌സിന് എളിയ തോതില്‍ തുടക്കമിടുന്നത് 1999ലാണ്. കെ.സിഎം. അപ്ലയന്‍സ് പ്രൈ. ലി. (ഇംപെക്‌സ്) ഇന്ന് വിവിധ വിഭാഗങ്ങളിലായി 200 ഓളം ഉല്‍പന്നങ്ങളിലൂടെ ഉപഭോക്താക്കള്‍ക്ക് പുതുമയുടെ ആസ്വാദ്യകരമായ അനുഭവം പ്രദാനം ചെയ്യുന്നു.
ഹോം എന്റര്‍ടെയ്ന്‍മെന്റ് പേഴ്‌സണല്‍ അപ്ലയന്‍സസ്, കിച്ചന്‍ അപ്ലയന്‍സസ്, ഹൗസ് ഹോള്‍ഡ് അപ്ലയന്‍സസ് രംഗത്തെ ആഗോളതലത്തില്‍ ശ്രദ്ധിക്കപ്പെടുന്ന ബ്രാന്‍ഡായി ഇംപെക്‌സിനെ മാറ്റുക എന്ന കാഴ്ചപ്പാടാണ് നുവൈസിനുള്ളത്. ഇന്ത്യ, ചൈന, മിഡില്‍ ഈസ്റ്റ്, ആഫ്രിക്കന്‍ രാഷ്‌ട്രങ്ങള്‍ എന്നിവിടങ്ങളില്‍ ഇംപെക്‌സിന് സാന്നിധ്യമുണ്ട്.
കേരളത്തിലുടനീളം 34 സര്‍വ്വീസ് സെന്ററുകളും 400ഓളം സര്‍വ്വീസ് എന്‍ജിനീയര്‍മാരും ഇംപെക്‌സിനുണ്ട്.
പ്രതികരിക്കാൻ ഇവിടെ എഴുതുക: