പറവൂര്: തെരഞ്ഞെടുപ്പ് വിജയത്തില് കൈതാരത്ത് നടന്ന ആഹ്ലാദപ്രകടനത്തിനുനേരെ ഡിവൈഎഫ്ഐയുടെ ആക്രമണം. ബിജെപി കോട്ടുവള്ളി പഞ്ചായത്ത് കമ്മറ്റിയുടെ നേതൃത്വത്തില് ആഹ്ലാദപ്രകടനം കൈതാരം ഹൈസ്കൂളിന് പടിഞ്ഞാറ്വശം എത്തിയപ്പോഴാണ് ആക്രമണമുണ്ടായത്. ഇവിടം സിപിഎം കോട്ടയാണ്. ഇവിടെ ബിജെപി പ്രകടനം നടത്തുവാന് പാടില്ല എന്നു പറഞ്ഞ് തടയുകയായിരുന്നു.
ഇതിനെത്തുടര്ന്നുണ്ടായ വാക്കുതര്ക്കത്തില് യുവമോര്ച്ച പ്രവര്ത്തകനായ രാജീവിനെ ഡിവൈഎഫ്ഐക്കാര് കൂട്ടത്തോടെ ആക്രമിക്കുകയായിരുന്നു. അക്രമത്തില് പരിക്കേറ്റ രാജീവ് പറവൂര് കെഎംകെ ആശുപത്രിയില് ചികിത്സയിലാണ്. ബിജെപിയുടെ നേതൃത്വത്തില് കൈതാരത്ത് നടന്ന ആഹ്ലാദപ്രകടനത്തിനുനേരെ അക്രമം നടത്തിയ ഡിവൈഎഫ്ഐക്കാര്ക്കെതിരെ പോലീസ് ശക്തമായ നടപടിയെടുക്കണമെന്ന് ബിജെപി പറവൂര് നിയോജകമണ്ഡലം ജനറല് സെക്രട്ടറി ടി.എ. ദിലീപ് ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: