കൊച്ചി: ലോക്സഭ തെരഞ്ഞെടുപ്പില് ബിജെപി നേടിയ ചരിത്ര വിജയം കൊച്ചിയില് ബിജെപി പ്രവര്ത്തകര് ആഘോഷിച്ചു. മധുരപലഹാരങ്ങള് വിതരണം ചെയ്തും പടക്കം പൊട്ടിച്ചുമാണ് ബിജെപി പ്രവര്ത്തകര് വിജയാഹ്ലാദം പങ്കിട്ടത്. ജില്ലയിലെ വിവിധ സ്ഥലങ്ങളില് പ്രവര്ത്തകര് ആഹ്ലാദ പ്രകടനം നടത്തി. പലേയിടത്തും ചെണ്ടമേളങ്ങളും ബാന്റ് സെറ്റുകളും അണിനിരന്നു. എക്സിറ്റ് പോളുകളുടെ ഫലപ്രവചനങ്ങള്ക്ക് അപ്പുറത്തേക്ക് ബിജെപിയുടെ വിജയം പ്രവര്ത്തകരെ ആഹ്ലാദഭരിതരാക്കി.
ഇതിനിടെ എറണാകുളത്ത് വിജയം കൈവരിക്കാനായെങ്കിലും കോണ്ഗ്രസ് ഓഫീസില് മൂകതയായിരുന്നു. ദേശീയ തലത്തില് കോണ്ഗ്രസിനേറ്റ ദയനീയ പരാജയം കോണ്ഗ്രസ് പ്രവര്ത്തകരുടെ മുഖത്ത് നിഴലിച്ചിരുന്നു. അതുകൊണ്ട് തന്നെ കെ.വി.തോമസിന്റെ വിജയാഘോഷം പേരിന് മാത്രമായി ഒതുങ്ങി.
സിപിഎം ക്യാമ്പുകളില് ഇതുതന്നെ ആയിരുന്നു. ചാലക്കുടിയില് ഇന്നസെന്റിന് അട്ടിമറി വിജയം നേടാനായെങ്കിലും പ്രസ്റ്റീജ് മണ്ഡലങ്ങളിലെ തോല്വിയും ദേശീയ രാഷ്ട്രീയത്തില് പാര്ട്ടി ഒന്നും അല്ലാതായതും അണികളില് ആവേശം തല്ലിക്കെടുത്തി. മോദിയുടെ ചിത്രമുള്ള ടീ ഷര്ട്ട് ധരിച്ച് നമോ പ്രവര്ത്തകരും ലഡു വിതരണം നടത്തി.
ബിജെപി നരേന്ദ്ര മോദിയുടെ നേതൃത്വത്തില് രാജ്യത്തെ പൊതു തെരഞ്ഞെടുപ്പില് നേടിയ ഉജ്ജ്വലമായ വിജയത്തില് ബിജെപി പ്രവര്ത്തകര് നഗരത്തില് ആഹ്ലാദ പ്രകടനവും ലഡു വിതരണവും നടത്തി. ബിജെപി ഓഫീസില് നിന്ന് ആരംഭിച്ച പ്രകടനം ഹൈക്കോടതി ജംഗ്ഷന്, മേനക സൗത്ത് വഴി ഗാന്ധിസ്ക്വയറില് സമാപിച്ചു. നരേന്ദ്രമോദിയുടെ കട്ടൗട്ടും മാസ്കും ഏന്തിയ പ്രവര്ത്തകര് താളമേളങ്ങളോടെ പടക്കം പൊട്ടിച്ചാണ് ആഹ്ലാദം പങ്കുവെച്ചത്.
ഗാന്ധി സ്ക്വയറില് ആഹ്ലാദപ്രകടനത്തിന് അഭിസംബോധന ചെയ്ത് ബിജെപി സംസ്ഥാന കമ്മറ്റിയംഗം അഡ്വ.പി.കൃഷ്ണദാസ് സംസാരിച്ചു. ന്യൂനപക്ഷ മോര്ച്ച ജനറല് സെക്രട്ടറി ജിജി ജോസഫ്, യുവമോര്ച്ച സംസ്ഥാന വൈസ് പ്രസിഡന്റ് അഡ്വ.കെ.എസ്.ഷൈജു, സി.ജി.രാജഗോപാല്, ബിജെപി ജില്ലാ ട്രഷറര് പി.എസ്.ഷമ്മി, മണ്ഡലം ജനറല് സെക്രട്ടറി പി.ജി.അനില്, കൗണ്സിലര് സുധാ ദിലീപ്, വി.കെ.സുദേവന്, പി.വി.അതികായന്, ദിലീപ് കുമാര്, രാജേഷ് അഗര്വാള്, അഡ്വ.വേദരാജ്, പി.എസ്.സ്വരാജ്, എന്.എല്.ജയിംസ്, കര്ഷക മോര്ച്ച സംസ്ഥാന സെക്രട്ടറി ജി.കാശിനാഥ് നന്ദി രേഖപ്പെടുത്തി.
പ്രതികരിക്കാൻ ഇവിടെ എഴുതുക: