പനച്ചിക്കാട്: ദക്ഷിണ മൂകാംബി ഹിന്ദുമഹാസംഗമത്തിന് പ്രൗഢോജ്ജ്വല തുടക്കം. ഹിന്ദുമഹാസംഗമത്തിന് തുടക്കം കറിച്ച് പരുത്തുംപാറ കവലയില് നിന്നും വിശിഷ്ടവ്യക്തികളെ സമ്മേളന നഗരിയിലേക്ക് ആനയിച്ചു. സ്വാഗത സംഘം അധ്യക്ഷന് കെ.എന്. നാരായണന് നമ്പൂതിരി ധ്വജാരോഹണം നടത്തി. തുടര്ന്ന് നടന്ന മഹാസമ്മേളനം യോഗക്ഷേമസഭ സംസ്ഥാന അധ്യക്ഷന് അക്കീരമണ് കാളിദാസ ഭട്ടതിരിപ്പാട് ഭദ്രദീപം കൊളുത്തി ഉത്ഘാടനം ചെയ്തു. വാഴപ്പള്ളി അമൃതാനന്ദമയി മഠം ബ്രഹ്മചാരി വേദാമൃത ചൈതന്യ അനുഗ്രഹ പ്രഭാഷണം നടത്തി. കേരള ക്ഷേത്ര സംരക്ഷണ സമിതി മാതൃസമിതി സംസ്ഥാന അധ്യക്ഷ പ്രൊഫ. വി.റ്റി. രമാദേവി മുഖ്യപ്രഭാഷണം നടത്തി. പഞ്ചായത്ത് പ്രസിഡന്റ് ജീന ജേക്കബ്, പി.കെ. സുകുമാരപിള്ള, ഡോ. ഇ.കെ. വിജയകുമാര് എന്നിവര് ആശംസകള് അര്പ്പിച്ചു. സി.ആര്. രാജേഷ് സ്വാഗതവും പി. ജ്യോതിഷ് നന്ദിയും പറഞ്ഞു.
ഇന്ന് നടക്കുന്ന സമാപന സമ്മേളനത്തില് ഹിന്ദു ഐക്യവേദി സംസ്ഥാന അധ്യക്ഷ കെ.പി. ശശികല ടീച്ചര് മുഖ്യ പ്രഭാഷണം നടത്തും. രാവിലെ 6 മണി ഗണപതി ഹോമം, 7 നു കുഴിമറ്റം കോളാകുളം ഹരി ഓഹം ഭജന സമിതിയുടെ ഭജന, 10നു ചക്കുളത്തു കാവ് രാധാകൃഷ്ണന് നമ്പൂതിരി നേതൃത്വം നല്കുന്ന മഹാസര്വൈശ്വര്യ പൂജ, 3നു യുവസംഗമം എംജി യൂണിവേഴ്സിറ്റി വിവേകാനന്ദചെയര് അധ്യക്ഷന് പ്രൊഫ. ഓ.എം മാത്യു അധ്യക്ഷത വഹിക്കും. പ്രൊഫ. ജി. പ്രകാശ് മുഖ്യപ്രഭാഷണം നടത്തും. 5.30നു പനച്ചികാട് വൈഷ്ണവം ഭജന്സ് അവതരിപ്പിക്കുന്ന ഭജന, 6 നു സമാപന സമ്മേളനം കിടങ്ങന്നൂര് വിജയ ബോധാനന്ദതീര്ഥപാദര് ഉത്ഘാടനം ചെയ്യും.ഹിന്ദു ഐക്യവേദി സംസ്ഥാന അധ്യക്ഷ കെ,പി ശശികല ടീച്ചര് മുഖ്യ പ്രഭാഷണം നടത്തും. വിവിധ സാമുദായിക സംഘടന നേതാക്കന്മാര് ആശംസകള് അര്പ്പിക്കും.
ദക്ഷിണ മൂകാംബി ക്ഷേത്ര മൈതാനിയില് നടക്കുന്ന ഹിന്ദുമഹാ സംഗമത്തിന് തിരക്കേറുന്നു. രാവിലെ 6 മണിക്ക് നടന്ന ഗണപതി ഹോമത്തോടെ രണ്ടാം ദിവസത്തെ പരിപാടികള്ക്ക് തുടക്കമായി.പാത്താമുട്ടം ഹരിഹര ഭജന്സ് അവതരിപ്പിച്ച ഭജനയോടെ പരിപടികള്ക്ക് തുടക്കമായി. തുടര്ന്ന് നടന്ന വിദ്യാര്ത്ഥി സംഗമം ബാലഗോകുലം സംസ്ഥാന സമിതിയംഗം സി.സി ശെല്വന് ഉത്ഘാടനം ചെയ്തു. വിദ്യാര്ഥി സമൂഹം നാടിന്റെ നാളയുടെ സംരക്ഷകരാനെന്നു അദ്ദേഹം പറഞ്ഞു.
സ്വാഗതസംഘം രക്ഷാധികാരി കെ.എന് ദാമോദരന് നമ്പൂതിരി അധ്യക്ഷത വഹിച്ചു. തുടര്ന്ന് നടന്ന വിദ്യാ സാരസ്വത യജ്ഞം തൃശൂര് കേരളന് നമ്പൂതിരി മുഖ്യകാര്മികത്വം വഹിച്ചു. പാര്വതി വിജയകുമാര് സ്വാഗതവും ഹരികൃഷ്ണന് ചോഴിയകാട് നന്ദിയും രേഖപ്പെടുത്തി.
ഉച്ചയ്ക്ക് ശേഷം നടന്ന മാതൃ സംഗമം ക്ഷേത്ര ഏകോപന സമിതി സംസ്ഥാന അധ്യക്ഷന് എം.പി. അപ്പു ഉത്ഘാടനം ചെയ്തു. സുമ മുകുന്ദന് അധ്യക്ഷ ത വഹിച്ചു. ബിന്ദു മോഹനന് ചന്നാനികാട് സ്വാഗതവും ലതിക ശശി പനചികാട് നന്ദിയും രേഖപ്പെടുത്തി വൈകുന്നേരം ശ്രീ ദക്ഷിണ മൂകാംബി ഭജന്സ് പനച്ചികാട് അവതരിപ്പിച്ച ഭജന നടന്നു. തുടര്ന്ന് എം.കെ. സുഭാഷ് അവതരിപ്പിച്ച അഖണ്ഡഭാരത ദര്ശനം പ്രോജക്ടര് ഷോ നടന്നു.
പ്രതികരിക്കാൻ ഇവിടെ എഴുതുക: