വാഷിങ്ടണ്‍: വിമാനത്തില്‍ സഹയാത്രികയെ അപമാനിച്ച ഇന്ത്യക്കാരന്‍ അമേരിക്കയില്‍ അറസ്റ്റില്‍. ബാറ്റണ്‍ റോഗില്‍ താമസിക്കുന്ന 61 കാരന്‍ ദേവേന്ദര്‍ സിങാണ് അറസ്റ്റിലായത്.
ഹൂസ്റ്റണില്‍ നിന്ന് ന്യൂയോര്‍ക്കിലേക്കു പോയ യുണൈറ്റഡ് എയര്‍ലൈന്‍സിലാണ് സംഭവം. വിമാനത്തില്‍ തൊട്ടടുത്തിരുന്ന സ്ത്രീയെ ദേവേന്ദര്‍ അപമാനിച്ചെന്നാണ് പരാതി. സ്ത്രീ പരാതിപ്പെട്ടതിനെ തുടര്‍ന്ന് വിമാന ജീവനക്കാര്‍ വിവരം പൊലീസില്‍ അറിയിച്ചു.
വിമാനം ന്യൂയോര്‍ക്കില്‍ ഇറങ്ങിയ ഉടന്‍ ഇയാളെ എഫ്ബിഐ കസ്റ്റഡിയിലെടുത്തു. തുടര്‍ന്ന് ഇയാളെ ന്യൂജഴ്‌സി കോടതിയില്‍ ഹാജരാക്കി. കുറ്റം തെളിയിക്കപ്പെട്ടാല്‍ പത്തുവര്‍ഷം തടവും 2.5 ലക്ഷം അമേരിക്കന്‍ ഡോളര്‍ പിഴയും ലഭിക്കും.
പ്രതികരിക്കാൻ ഇവിടെ എഴുതുക: