ബാഗ്ദാദ്: ഇറാഖില്‍ തലസ്ഥാനമായ ബാഗ്ദാദിലുണ്ടായ വ്യത്യസ്ഥ സ്‌ഫോടനങ്ങളില്‍ 31 മരണം. ബാഗ്ദാദിലെ കിഴക്കന്‍ സദറില്‍ മാര്‍ക്കറ്റില്‍ ഉണ്ടായ സ്‌ഫോടനത്തില്‍ 22 പേര്‍ കൊല്ലപ്പെട്ടു.
45 പേര്‍ക്ക് പരിക്കേറ്റു. മോട്ടോര്‍ സൈക്കിളില്‍ ഘടിപ്പിച്ചിരുന്ന ബോംബാണ് പൊട്ടിത്തെറിച്ചത്. മിനിബസുകളിലാണ് മറ്റ് രണ്ട് സ്‌ഫോടനങ്ങള്‍ അരങ്ങേറിയത്.
തൊഴിലാളികള്‍ യാത്ര ചെയ്തിരുന്ന ബസില്‍ ഉണ്ടായ സ്‌ഫോടനത്തില്‍ അഞ്ച് പേര്‍ കൊല്ലപ്പെടുകയും 14 പേര്‍ക്ക് പരിക്കേല്‍ക്കുകയും ചെയ്തു.
മറ്റൊരു മിനിബസില്‍ നടന്ന സ്‌ഫോടനത്തില്‍ നാല് പേര്‍ കൊല്ലപ്പെടുകയും 11 പേര്‍ക്ക് പരിക്കേല്‍ക്കുകയും ചെയ്തു.
പ്രതികരിക്കാൻ ഇവിടെ എഴുതുക: