കോട്ടയം: ഹയര്സെക്കണ്ടറി കോട്ടയമേഖലഓഫീസ് 12ന് മുഖ്യമന്ത്രി ഉദ്ഘാടനം ചെയ്യുമെന്ന് ഹയര്സെക്കണ്ടറി ജോയിന്റ് ഡയറക്ടര് ഡോ.പി.പി.സാജുദ്ദീന് പത്രസമ്മേളനത്തില് അറിയിച്ചു.
കോട്ടയം, ഇടുക്കി, ആലപ്പുഴ ജില്ലകളിലെ ഹയര്സെക്കണ്ടറി കുട്ടികളുടെയും അദ്ധ്യാപകരുടെയും അക്കാദമിക് സര്വ്വീസ് പ്രശ്നങ്ങള് വേഗത്തില് പരിഹരിക്കാന് പുതിയമേഖലാ ഓഫീസില് കഴിയും. കോട്ടയം വയസ്കര കുന്നിലുള്ള ജില്ലാ ടെക്സ്റ്റ് ബുക്ക് ഡിപ്പോയിലാണ് മേഖലാ ഓഫീസ് പ്രവര്ത്തിക്കുന്നത്. തിരുനക്കര മൈതാനിയില് വൈകിട്ട് 4ന് ചേരുന്ന സമ്മേളനത്തില് മന്ത്രിമാരായ രമേശ് ചെന്നിത്തല, തിരുവഞ്ചൂര് രാധാകൃഷ്ണന്, പി.കെ.അബ്ദുറബ്ബ്, കെ.എം.മാണി, പി.ജെ.ജോസഫ്, കേന്ദ്രമന്ത്രിമാരായ കൊടിക്കുന്നില് സുരേഷ്, കെ.സി.വേണുഗോപാല്, എംപിമാരായ ജോസ് കെ.മാണി, പി.ടി.തോമസ്, ആന്റോ ആന്റണി, ചീഫ് വിപ്പ് പി.സി.ജോര്ജ്ജ് തുടങ്ങിയവര് ഫങ്കെടുക്കും. ഉദ്ഘാടനസമ്മേളനത്തിന്റെ ഭാഗമായി കോട്ടയം ബേക്കര് സ്കൂളില് നിന്ന് തിരുനക്കര മൈതാനത്തേക്ക് 3ന് സാംസ്കാരിക ഘോഷയാത്ര നടക്കും. പത്രസമ്മേളനത്തില് മേഖലാ ഡയറക്ടര് എസ്.ജയശ്രീ, സംഘാടസമിതിഭാരവാഹികളായ ടി.എസ്.സലീം, ഡോ.കെ.എം.തങ്കച്ചന്, സിബി തോമസ്, പി.എ.ഇബ്രാഹിംകുട്ടി തുടങ്ങിയവരും പങ്കെടുത്തു.
പ്രതികരിക്കാൻ ഇവിടെ എഴുതുക: