കാഞ്ഞിരപ്പള്ളി: ബസ്സ്റ്റാന്റില് സ്്ഥിരം സംഘര്ഷം ഉണ്ടാകുന്ന സാഹചര്യത്തില് പോലീസിനെ നിയോഗിക്കണമെന്ന് ആവശ്യം ശക്തമായി. കഴിഞ്ഞ ദിവസം സ്കൂള് വിദ്യാര്ത്ഥിയെ ബസ് ജീവനക്കാരന് തല്ലിയതുള്പ്പെടെയുളള നിരവധി സംഭവങ്ങളാണ് ബസ്സ്റ്റാന്റിനുള്ളില് അരങ്ങേറുന്നത്. ഇന്നലെ കണ്സഷന്റെ പേരില് വിദ്യാര്ത്ഥികളും ബസ് ജീവനക്കാരുമായി തര്ക്കമുണ്ടായി. കഴിഞ്ഞ ദിവസം സ്റ്റാന്റിനുള്ളിലെ പബ്ലിക് ശൗചാലയത്തിനുളളില് ജീവനക്കാരനെ തൂങ്ങിമരിച്ച നിലയിലും കണ്ടെത്തിയിരുന്നു. ബസിനുള്ളില് പെണ്കുട്ടിയെ കടന്നുപിടിക്കാന് ശ്രമിച്ചയാളെ നാട്ടുകാര് പെരുമാറിയതും കഴിഞ്ഞയിടെയുണ്ടായ സംഭവമാണ്. പോലീസിനായി ഗ്രാമപഞ്ചായത്ത് ഫണ്ട് ഉപയോഗിച്ച് സ്റ്റാന്റിനുളളില് എയ്ഡ് പോസ്റ്റ്്് നിര്മ്മിച്ചിട്ടുണ്ടെങ്കിലും രാഷ്ട്രീയ പാര്ട്ടികളുടെ പോസ്റ്റര് പതിക്കുകയല്ലാതെ ഒരു ഫലവുമുണ്ടായില്ല. ബസ് ജീവനക്കാര് തമ്മില് സംഘര്ഷവും വാക്കേറ്റവും സ്റ്റാന്്റില് നിത്യസംഭവമാണ്.
പലപ്പോഴും നിരപരാധികള്ക്ക് തല്ല് കിട്ടുന്ന സംഭവമുണ്ട്. സ്ത്രീകളെ കടന്നുപിടിക്കുകയും ഉപദ്രവിക്കുകയും ചെയ്യുന്ന സംഭവങ്ങള് നിരവധിയുണ്ടായിട്ടും വേണ്ടത്ര സുരക്ഷ ഒരുക്കുന്നതിന് അധികൃതര്ക്ക് കഴിഞ്ഞിട്ടില്ല. സ്കൂള് കുട്ടികളുടെ തിരക്ക് വര്ധിക്കുന്നതോടെ സ്റ്റാന്റ്ിനുള്ളില് നിന്ന് തിരിയാന് ഇടമില്ലാതാകും. സ്ത്രീകളെയും കുട്ടികളെയും ശല്യം ചെയ്യാന് സ്ഥിരമായി ഇവിടെ പൂവാലന്മാരെത്തും. തിരക്ക് വര്ദ്ധിക്കുന്ന രാവിലെയും വൈകിട്ടും ഒരു വനിതാ പോലീസിനെ ഡ്യൂട്ടിയ്ക്ക്് നിയോഗിക്കണമെന്ന് വ്യവസ്ഥയുണ്ട്. എന്നാല് മിക്ക ദിവസങ്ങളിലും വനിതാ പോലീസ് ഡ്യൂട്ടിക്കെത്താറില്ല. സ്റ്റാന്റില് സ്ഥാപിച്ചിരിക്കുന്ന ക്യാമറയും മിക്ക ദിവസങ്ങളിലും തകരാറിലാകും. സ്ഥിരം സംഘര്ഷം നടക്കുന്നിടത്ത് ക്യാമറ ഘടിപ്പിച്ചിട്ടില്ലെന്ന് ആക്ഷേപവുമുണ്ട്. രാത്രികാലങ്ങളില് സാമൂഹ്യവിരുദ്ധരുടെ ശല്യം രൂക്ഷമാകുന്നതോടെ യാത്രക്കാര്ക്ക് ദുരിതമാകുകയാണ്.
വിദ്യാര്ത്ഥിയെ മര്ദ്ദിച്ച
ബസ് ജീവനക്കാരന് പിടിയില്
കാഞ്ഞിരപ്പള്ളി: പത്താംക്ലാസ് വിദ്യാര്ത്ഥിയെ ബസിനുളളിലിട്ട് മര്ദ്ദിച്ച ബസ് ജീവനക്കാരന് പിടിയില്. മുണ്ടക്കയത്ത് പത്താംക്ലാസ് വിദ്യാര്ത്ഥിയായ പൈങ്ങന പുതുപറമ്പില് രവീന്ദ്രന്റെ മകന് രാഹുലി (15) നാണ് മര്ദ്ദനമേറ്റത്. സംഭവവുമായി ബന്ധപ്പെട്ട് കോട്ടയം- ചാത്തന്തറ റൂട്ടിലോടുന്ന ‘അമ്പിളി ആശ’ എന്ന ബസിലെ ജീവനക്കാരനായ ജോയി എന്നയാളാണ് പോലീസ് പിടിയിലായത്. ഇയാളെ സ്റ്റേഷന് ജാമ്യത്തില് വിട്ടയച്ചു. വൈകുന്നേരം 5.30 ഓടെ രാഹുല് വാളക്കയത്തുള്ള ബന്ധുവീട്ടിലേയ്ക്ക് പോകുന്നതിനായി സ്റ്റാന്റിനുള്ളിലെത്തി ബസില് കയറി. രണ്ട് ബസുകളിലെ ജീവനക്കാര് തമ്മില് വാക്കുതര്ക്കം നടക്കുമ്പോള് ഇതുവഴി ബസിനുള്ളിലേയ്ക്ക് കയറാന് ശ്രമിച്ച വിദ്യാര്ത്ഥിയെ യാതൊരു കാരണവുമില്ലാതെ മര്ദ്ദിക്കുകയായിരുന്നു. മര്ദ്ദനത്തില് വിദ്യാര്ത്ഥിയുടെ ചെവിയ്ക്ക് പിറകിലും കൈവിരലിലും പരുക്കേറ്റു. വിദ്യാര്ത്ഥി കാഞ്ഞിരപ്പള്ളി ജനറല് ആശുപത്രിയില് ചികിത്സ തേടി.
പ്രതികരിക്കാൻ ഇവിടെ എഴുതുക: