കൊച്ചി : ആഗോള ടെക്നോളജി ബ്രാന്‍ഡായ ഓപ്പോ മൊബെയില്‍ എന്‍-ലെന്‍സ്‌ സീരീസിലെ ആദ്യ ഉല്‍പ്പന്നമായ ഓപ്പോ എന്‍ 1 അവതരിപ്പിച്ചു. സ്മാര്‍ട്‌ ഫോണ്‍ ഫോട്ടോഗ്രഫിയെ പുനര്‍നിര്‍വ്വചിക്കുന്ന ഈ ഹാന്‍ഡ്‌ സെറ്റിന്‌ 39,999 രൂപയാണ്‌ വില.
വലിയ സ്ക്രീന്‍, തിരിയുന്ന ക്യാമറ, പിന്‍വശത്തെ ടച്ച്‌ പാനല്‍, അവിശ്വസനീയമായ രൂപകല്‍പ്പന എന്നിവ പ്രത്യേകതകളാണ്‌. ഈ ഫോണിലുള്ളത്‌ പ്യുവര്‍ ഇമേജ്‌ എന്ന നൂതന ഫോട്ടോഗ്രഫി സൊലൂഷനാണ്‌. 16 ജിബി അല്ലെങ്കില്‍ 32 ജിബി സ്റ്റോറിംഗ്‌ കപ്പാസിറ്റിയാണ്‌ ഹാന്‍ഡ്‌ സെറ്റുകള്‍ക്ക്‌.
ചൈനയില്‍ 2008 ല്‍ മൊബെയില്‍ ഫോണ്‍ വിപണിയില്‍ പ്രവേശിച്ച ഓപ്പോ ഇന്ന്‌ ഏഷ്യയിലെയും, അമേരിക്കയിലെയും വിവിധ രാജ്യങ്ങളില്‍ പ്രിയപ്പെട്ട ബ്രാന്‍ഡാണ്‌.
പ്രതികരിക്കാൻ ഇവിടെ എഴുതുക: