കൊച്ചി: ഫെബ്രുവരി 9ന്‌ തിരുവനന്തപുരത്ത്‌ നരേന്ദ്രമോദി പങ്കെടുക്കുന്ന മഹാസമ്മേളനത്തില്‍ രജിസ്ട്രേഷന്‍ ക്യാംപെയ്ന്‍ ന്യൂനപക്ഷമോര്‍ച്ച എറണാകുളം മേഖലാ കമ്മിറ്റിയുടെ നേതൃത്വത്തില്‍ കൊച്ചിയില്‍ ബിജെപി സംസ്ഥാന ജനറല്‍ സെക്രട്ടറി എ.എന്‍.രാധാകൃഷ്ണന്‍ ഉദ്ഘാടനം ചെയ്തു. സിനിമാ സംവിധായകനും മുന്‍ മാക്ടാ പ്രസിഡന്റുമായ തമ്പി കണ്ണന്താനം ആദ്യ രജിസ്ട്രേഷന്‍ നിര്‍വഹിച്ചു. കച്ച്‌ മഹാദുരന്തത്തിനുശേഷം ഗുജറാത്തിനെ ഇന്ത്യയിലെ സമ്പന്ന സംസ്ഥാനമാക്കിയ നരേന്ദ്രമോദിയാണ്‌ വരുംനാളുകളില്‍ ഭാരതം നയിക്കാന്‍ പ്രാപ്തനെന്ന്‌ അദ്ദേഹം പറഞ്ഞു. ലോകരാഷ്‌ട്രത്തിന്റെ മുമ്പില്‍ ഗുജറാത്തും, ഗുജറാത്ത്‌ മുഖ്യമന്ത്രിക്കുമുള്ള സ്ഥാനം അതുല്യമാണെന്നും, അതു കണ്ട്‌ തിരിച്ചറിഞ്ഞാണ്‌ ഇന്ത്യയിലെ യുവാക്കള്‍ ഗ്രാമ- നഗര വ്യത്യാസമില്ലാതെ മോദിയില്‍ വിശ്വാസമര്‍പ്പിക്കുന്നതെന്നും കണ്ണന്താനം കൂട്ടിച്ചേര്‍ത്തു. ന്യൂനപക്ഷമോര്‍ച്ച സംസ്ഥാന പ്രസിഡന്റ്‌ അഡ്വ.കെ.വി.സാബു അദ്ധ്യക്ഷം വഹിച്ച യോഗത്തില്‍ ബിജെപി ജില്ലാ അദ്ധ്യക്ഷന്‍ അഡ്വ.പി.ജെ.തോമസ്‌, മോദി ഫാന്‍സ്‌ അസോസിയേഷന്‍ വിന്‍സന്റ്‌ ദേവസി, ബിജെപി സംസ്ഥാന സമിതി അംഗം അഡ്വ.പി.കൃഷ്ണദാസ്‌, മേഖലാ കമ്മറ്റി സെക്രട്ടറി കെ.എസ്.രാജേഷ്‌, തൃക്കാക്കര മണ്ഡലം കമ്മറ്റി പ്രസിഡന്റ്‌ ബാബു രാജ്‌ തച്ചേത്ത്‌, ന്യൂനപക്ഷമോര്‍ച്ച സംസ്ഥാന സമിതി അംഗങ്ങളായ മുഹമ്മദ് ഷാജി, എന്‍.എല്‍.ജയിംസ്‌, ഡാനി തോമസ്‌, സി.വി.ജോര്‍ജ്‌, ബിറ്റാജ്‌ ജോസഫ്‌, ലീലാമ്മ, മോര്‍ച്ച ജില്ലാ ജനറല്‍ സെക്രട്ടറി അഗസ്റ്റിന്‍ എന്നിവര്‍ പ്രസംഗിച്ചു. ന്യൂനപക്ഷമോര്‍ച്ച സംസ്ഥാന ജനറല്‍ സെക്രട്ടറി ജിജി ജോസഫ്‌ സ്വാഗതവും, ന്യൂനപക്ഷമോര്‍ച്ച സംസ്ഥാന കമ്മിറ്റി അംഗം സതീഷ്‌ മാര്‍ട്ടിന്‍ നന്ദിയും പറഞ്ഞു.
Friday, November 29, 2024
കച്ച്‌ ഭൂകമ്പ ദുരന്തത്തില്‍ നിന്നും ഉയര്‍ത്തെഴുന്നേറ്റ നേതാവാണ്‌ നരേന്ദ്രമോദി: തമ്പി കണ്ണന്താനം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: