മട്ടാഞ്ചേരി: ‘ചായക്കാരന്‍ പ്രധാനമന്ത്രി’യെന്ന മുദ്രാവാക്യമുയര്‍ത്തി ബിജെപി നമോ ബ്രിഗേഡ്‌ കൊച്ചി ഘടകം കൊച്ചി കടപ്പുറത്ത്‌ ‘മോദിചായ’ വിതരണം ചെയ്തു. റിപ്പബ്ലിക്‌ ദിനാഘോഷത്തോടനുബന്ധിച്ചാണ്‌ സന്ധ്യവേളയില്‍ കടപ്പുറത്തെത്തിയവര്‍ക്ക്‌ ചായ വിതരണം നടന്നത്‌. റിപ്പബ്ലിക്‌ ദിനാഘോഷത്തോടനുബന്ധിച്ച്‌ ഫോര്‍ട്ടുകൊച്ചി അമരാവതിയില്‍നിന്ന്‌ മോദി ആരാധകര്‍ മോട്ടോര്‍ വാഹനറാലി നടത്തി. ചെറളായി, ആനവാതില്‍, ചുള്ളിക്കല്‍, തോപ്പുംപടി, സ്റ്റാച്ചു, വെളി വഴി ഫോര്‍ട്ടുകൊച്ചി കടപ്പുറത്തെത്തിയ മോട്ടോര്‍ ബൈക്ക്‌ റാലിക്ക്‌ ബിജെപി കൊച്ചി ഘടകം സെക്രട്ടറി എസ്‌.രാജേഷ്‌, നമോബ്രിഗേഡ്‌ കണ്‍വീനര്‍ ഗോപാലകൃഷ്ണ കമ്മത്ത്‌, രാകേഷ്‌ തമ്പാന്‍, ആനന്ദ്‌ പ്രഭു തുടങ്ങിയവര്‍ നേതൃത്വം നല്‍കി. തുടര്‍ന്ന്‌ കടപ്പുറത്ത്‌ നടന്ന ചായവിതരണം കോര്‍പ്പറേഷന്‍ കൗണ്‍സിലര്‍ ശ്യാമളാപ്രഭു ഉദ്ഘാടനം ചെയ്തു. എസ്‌.കൃഷ്ണകുമാര്‍, മഞ്ജുനാഥ്‌ പൈ എന്നിവര്‍ സംസാരിച്ചു.
Saturday, November 30, 2024
നമോ ബ്രിഗേഡ്‌ കൊച്ചി കടപ്പുറത്ത്‌ മോദിചായ വിതരണം ചെയ്തു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: