ആനന്ദ്‌: ഗുജറാത്തില്‍ ഇനി മുതല്‍ പാല്‍ കൗണ്ടറുകളും. എടിഎം കൗണ്ടറിന്‌ സമാനമാണ്‌ പാല്‍ കൗണ്ടറുകള്‍. അമുല്‍ ഡയറിയാണ്‌ ഏത്‌ സമയവും പാല്‍ ലഭ്യമാക്കുന്ന എടിഎം മെഷീന്‍ ഗുജറാത്തിലെ ആനന്ദില്‍ സ്ഥാപിക്കാനൊരുങ്ങുന്നത്‌.
ഇതിനുവേണ്ടിയുള്ള പ്രവര്‍ത്തനങ്ങള്‍ ആരംഭിച്ചു കഴിഞ്ഞു. പത്ത് രൂപയ്‌ക്ക്‌ 300 മില്ലി ലിറ്റര്‍ പാക്കറ്റാണ്‌ എടിഎം നല്‍കുക. ആനന്ദിലും പരിസരപ്രദേശങ്ങളിലും രാത്രികാലങ്ങളില്‍ പാലിന്റെ വിതരണമുണ്ടാകാറില്ലെന്ന്‌ പ്രദേശവാസിയായ കരണ്‍ സൂദ്‌ പറഞ്ഞു. ഈ എടിഎമ്മിലൂടെ കാശിട്ട്‌ പാലെടുക്കാമെന്ന സന്തോഷത്തിലാണിദ്ദേഹം. 24 മണിക്കൂറാണ്‌ ഈ പാല്‍ എടിഎം പ്രവര്‍ത്തിക്കുക. ഇതിനോടകം തന്നെ എടിഎം ജനങ്ങള്‍ക്കിടയില്‍ സംസാരവിഷയമായിക്കഴിഞ്ഞു.
പ്രതികരിക്കാൻ ഇവിടെ എഴുതുക: