മട്ടാഞ്ചേരി: ഫോര്‍ട്ടുകൊച്ചിയിലെ ഹോംസ്റ്റേയില്‍ യുവതി മരിക്കാനിടയായ സംഭവത്തിലെ ദുരൂഹത തുടരുന്നു. ഞായറാഴ്ച രാത്രി മരണമടഞ്ഞ യുവതിയുടെ മൃതദേഹം പോസ്റ്റ്‌ മോര്‍ട്ടം റിപ്പോര്‍ട്ട്‌ വൈകുന്നത്‌ ദൂരിഹതയ്‌ക്ക്‌ ശക്തി പകര്‍ന്നിരിക്കയാണ്‌.
ഫോര്‍ട്ടുകൊച്ചി പട്ടാളം റോഡില്‍ റോബിന്‍ഡ്‌ വെസ്റ്റ്‌ എന്ന ഹോംസ്റ്റേയിലാണ്‌ ഞായറാഴ്ച രാത്രി ജീവനക്കാരിയും, കണ്ണമാലിക്കാട്ടിപ്പറമ്പ്‌ വട്ടപ്പറമ്പില്‍ വീട്ടില്‍ കെ.ജെ.പ്രസാദിന്റെ ഭാര്യ മാര്‍ഗരറ്റ്‌ ഷിജു (36) തൂങ്ങി മരിച്ച നിലയില്‍ കണ്ടെത്തിയത്‌. യുവതിയുടെ ശരീരത്തിലെ പരിശോധനയിലും സാഹചര്യവും കണക്കിലെടുതത്‌ മരണകാരണത്തില്‍ ദൂരുഹതയുണ്ടെന്ന്‌ നാട്ടുകാര്‍ പറയുന്നു. ഫോര്‍ട്ടു കൊച്ചി പോലീസ്‌ സംഭവ സ്ഥലത്തെത്തി അന്വേഷണം നടത്തി. ജഡം പോസ്റ്റ്മോര്‍ട്ടം നടത്തിയെങ്കിലും അഞ്ചാം ദിവസവും റിപ്പോര്‍ട്ട്‌ ലഭ്യമായിട്ടില്ലെന്നാണ്‌ പറയുന്നത്‌.
യുവതിയുടെ മരണത്തില്‍ ബന്ധുമിത്രാദികള്‍ക്കും പരാതിയുണ്ടെന്നാണ്‌ ചൂണ്ടിക്കാട്ടുന്നത്‌. പോസ്റ്റ്‌ മോര്‍ട്ടം റിപ്പോര്‍ട്ട്‌ ലഭ്യമായശേഷം നിയമനടപടികള്‍ക്കൊരുങ്ങുമെന്നാണ്‌ ഇവര്‍ പറയുന്നത്‌. ഫോര്‍ട്ടുകൊച്ചിയില്‍ അനധികൃത ഹോംസ്റ്റേകള്‍ കേന്ദ്രീകരിച്ച്‌ നടക്കുന്ന വഴിവിട്ട പ്രവര്‍ത്തനത്തെകുറിച്ച്‌ വ്യാപകമായ പരാതികള്‍ ഉയര്‍ന്ന സാഹചര്യത്തിലാണ്‌ യുവതിയുടെ സംശയാസ്പദമായ മരണമെന്നത്‌ ജനങ്ങളില്‍ ദുരൂഹത വര്‍ധിക്കുവാനും ഇടയാക്കിയിട്ടുണ്ട്‌.
പ്രതികരിക്കാൻ ഇവിടെ എഴുതുക: