പോര്‍ച്ചുഗലിനുവേണ്ടി ലോകകപ്പ്‌ ജയിക്കാനായാല്‍ അതു തന്റെ കരിയറിലെ ഏറ്റവും മഹനീയ നേട്ടമാകുമെന്ന്‌ ലോക ഫുട്ബോളര്‍ ക്രിസ്റ്റ്യാനോ റൊണാള്‍ഡോ. പോര്‍ച്ചുഗലിലെ പരമോന്നത ബഹുമതിയായ ഗ്രാന്‍ഡ്‌ ഓഫീസര്‍ ഓഫ്‌ ദ ഓര്‍ഡര്‍ ഓഫ്‌ ദ ഡോണ്‍ ഹെന്‍ട്രിക്‌ ഏറ്റുവാങ്ങിയശേഷം സംസാരിക്കുകയായിരുന്നു ക്രിസ്റ്റ്യാനോ.
ലോകകപ്പ്‌ കിരീടനേട്ടം അമൂല്യമാവും. ഒരുപക്ഷേ അതെന്റെ കരിയറിനു വിരാമമിട്ടേക്കാം. ആദ്യം ഗ്രൂപ്പ്‌ ഘട്ടത്തെക്കുറിച്ചാണ്‌ നമ്മള്‍ ചിന്തിക്കേണ്ടത്‌. പോര്‍ച്ചുഗലിന്റെ കുപ്പായത്തില്‍ യൂറോപ്പിന്റെയും ലോകത്തിന്റെയും ചാമ്പ്യനാകാമെന്ന്പ്രതീക്ഷിക്കുന്നു, ക്രിസ്റ്റ്യാനോ പറഞ്ഞു.
ഫുട്ബോള്‍ ചരിത്രം എന്നും ഓര്‍മ്മിക്കുന്നയാളാകണം. ടീമിനുവേണ്ടിയും വ്യക്തിപരമായും ട്രോഫികള്‍ സ്വന്തമാക്കുകയാണ്‌ ലക്ഷ്യം. ഫുട്ബോള്‍ എന്റെ തൊഴിലാണ്‌. വികാരമാണ്‌. അതിലെല്ലാം ഉപരി ജീവിതം തന്നെയാണ്‌. ഒരുപാട്‌ കാലം കളിക്കാന്‍ ആഗ്രഹിക്കുന്നുവെന്നും ക്രിസ്റ്റ്യാനോ കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: