അഞ്ചടിയില്‍ റയല്‍ രണ്ടാമത്‌

മാഡ്രിഡ്‌: സ്പാനിഷ്‌ ലാ ലിഗയില്‍ റയല്‍ മാഡ്രിഡിന്‌ തകര്‍പ്പന്‍ വിജയം. മറുപടിയില്ലാത്ത അഞ്ച്‌ ഗോളുകള്‍ക്കാണ്‌ റയല്‍ ശനിയാഴ്ച രാത്രി നടന്ന മത്സരത്തില്‍ റയല്‍ ബെറ്റിസിനെ കീഴടക്കിയത്‌. റയലിന്‌ വേണ്ടി 10-ാ‍ം മിനിറ്റില്‍ സൂപ്പര്‍ താരം ക്രിസ്റ്റ്യാനോ റൊണാള്‍ഡോ 25-ാ‍ം മിനിറ്റില്‍ ലോകത്തെ ഏറ്റവും വിലപിടിച്ച താരം ഗരെത്ത്‌ ബെയ്‌ല്‌, 45-ാ‍ം മിനിറ്റില്‍ കരിം ബെന്‍സേമ, 62-ാ‍ം മിനിറ്റില്‍ ഏയ്ഞ്ചല്‍ ഡി മരിയ, 90-ാ‍ം മിനിറ്റില്‍ ആല്‍വാരോ മൊറാട്ട എന്നിവരാണ്‌ ഗോളുകള്‍ നേടിയത്‌. വിജയത്തോടെ റയല്‍ 20 മത്സരങ്ങളില്‍ നിന്ന്‌ 50 പോയിന്റുമായി രണ്ടാം സ്ഥാനത്തേക്ക്‌ ഉയര്‍ന്നു. 19 മത്സരങ്ങളില്‍ നിന്ന്‌ 50 പോയിന്റുള്ള ബാഴ്സലോണയാണ്‌ ഒന്നാമത്‌. 19 മത്സരങ്ങളില്‍ നിന്ന്‌ 50 പോയിന്റ്‌ തന്നെയുള്ള അത്‌ലറ്റികോ മാഡ്രിഡ്‌ മൂന്നാം സ്ഥാനത്താണ്‌.