കൊച്ചി : കൊച്ചി, ചെന്നൈ, മുംബൈ, ദല്‍ഹി എന്നിവിടങ്ങളില്‍ നിന്നുള്ള ഫ്‌ളൈറ്റുകളുമായി ബന്ധിപ്പിച്ചുകൊണ്ട് ഇത്തിഹാദ് എയര്‍വെയ്‌സ് അബുദാബി – ന്യൂയോര്‍ക്ക് പ്രതിദിന സര്‍വീസ് ആരംഭിക്കുന്നു. അമേരിക്കയില്‍ നിന്ന് ഇന്ത്യയിലേക്കും തിരിച്ചുമുള്ള യാത്രക്കാര്‍ക്ക് സൗകര്യപ്രദമാകുന്ന സര്‍വീസ് മാര്‍ച്ച് ഒന്നു മുതലായിരിക്കും യാത്ര തുടങ്ങുക.
നിലവില്‍ രാവിലെ പത്തരയ്‌ക്ക് അബുദാബിയില്‍നിന്ന് പുറപ്പെടുകയും അന്നു വൈകിട്ട് 4.30 ന്യൂയോര്‍ക്കിലെത്തിച്ചേരുകയും ചെയ്യുന്ന വിമാനത്തിനു പുറമെയാണിത്. പുതിയ സര്‍വീസിനുപുറമെ ജൂണ്‍ മുതല്‍ എല്ലാദിവസവും ലോസ് ആഞ്ചലസിലേക്കും ഡിസംബര്‍ മുതല്‍ ഡാളസ് – ഫോര്‍ട്ട് വര്‍ത്തിലേക്കും ആഴ്ചയില്‍ മൂന്നുവീതവും സര്‍വീസ് നടത്തും.
പ്രതികരിക്കാൻ ഇവിടെ എഴുതുക: