പള്ളുരുത്തി: ഗോറിയുടേയും, ഗസ്നിയുടേയും പ്രതിരൂപങ്ങള്‍ കേരളത്തില്‍ ഹിന്ദുക്കളെ ചവിട്ടിമെതിക്കുകയാണെന്ന്‌ ഹിന്ദുഐക്യവേദി സംസ്ഥാന അദ്ധ്യക്ഷ കെ.പി.ശശികലടീച്ചര്‍ പറഞ്ഞു. ഇടക്കൊച്ചിയില്‍ ഹിന്ദുഐക്യവേദി സംഘടിപ്പിച്ച ഹിന്ദുസംഗമത്തില്‍ മുഖ്യപ്രഭാഷണം നടത്തുകയായിരുന്നു ടീച്ചര്‍.
ഭൂരിപക്ഷ ഹിന്ദുസമുദായത്തിന്റെ അവകാശങ്ങള്‍ ചോദ്യം ചെയ്യപ്പെടുന്ന സാഹചര്യം നിലനില്‍ക്കുമ്പോഴും ഇഛാശക്തിയോടെ ഹിന്ദുസമൂഹം ഉയര്‍ത്തെഴുന്നേല്‍ക്കുന്ന കാഴ്ചയും നമുക്ക്‌ കാണാന്‍ കഴിയുന്നു. പിണറായി വിജയന്‍ പങ്കെടുത്ത പാര്‍ട്ടി പരിപാടിയില്‍ മുസ്ലീമുകള്‍ക്ക്‌ നിസ്കരിക്കാന്‍ സൗകര്യം ചെയ്തുകൊടുക്കുമ്പോഴും, പാര്‍ട്ടി പ്ലീനം, ഹിന്ദു സഖാക്കളെ ഗണപതിഹോമം നടത്തുന്നതിനെ വിലക്കുന്നു. സിപിഎമ്മിലെ ഹിന്ദുസമൂഹം ഈ വിവേചനം തിരിച്ചറിയണം.
ഭാരതത്തില്‍ മതപരിവര്‍ത്തനത്തിനായി ഉപയോഗിക്കുന്ന കൃസ്ത്യന്‍ വിഭാഗത്തിന്റെ പണത്തിന്റെ ഉറവിടം കണ്ടെത്താന്‍ സര്‍ക്കാരുകള്‍ തയ്യാറാകണം. ഇരുമുന്നണികളും ന്യൂനപക്ഷ ഹിന്ദുസമൂഹത്തെ തള്ളിപ്പറയുന്ന കാഴ്ചയാണ്‌ കേരളത്തില്‍ നിലനില്‍ക്കുന്നതെന്നും ടീച്ചര്‍ ചൂണ്ടിക്കാട്ടി. നിസ്ക്കാരത്തിനും, കുമ്പസാരത്തിനും, സുന്നത്തിനും അനുവാദം കൊടുക്കുന്നവര്‍ ഗണിപതിഹോമത്തെ എതിര്‍ക്കുന്നത്‌ അപഹാസ്യമാണെന്നും ടീച്ചര്‍ വ്യക്തമാക്കി. സംഗമത്തില്‍ വേണു കെ.ജി.പിള്ള അദ്ധ്യക്ഷത വഹിച്ചു. ഐക്യവേദി താലൂക്ക്‌ രക്ഷാധികാരി വി.എന്‍.മോഹനന്‍ ഉദ്ഘാടനം ചെയ്തു. പി.പി.മനോജ്‌, വി.കെ.ശശീന്ദ്രന്‍, ടി.പി.പത്മനാഭന്‍, കെ.ഷാജി, ജി.മഹേഷ്‌ എന്നിവര്‍ പ്രസംഗിച്ചു.
പ്രതികരിക്കാൻ ഇവിടെ എഴുതുക: