ദിമാപുര്‍: നാഗാലാന്‍ഡിലെ ദിമാപുരില്‍ തലയ്ക്ക് വെടിയേറ്റനിലയില്‍ ഒമ്പത്‌ മൃതദേഹങ്ങള്‍ കണ്ടെത്തി. അഴുകിയ നിലയില്‍ വെള്ളിയാഴ്ച രാത്രിയാണ്‌ കണ്ടെത്തിയത്‌. മൃതദേഹങ്ങള്‍ ഇതുവരെ തിരിച്ചറിഞ്ഞിട്ടില്ല.
കൈകള്‍ പിന്നിലേക്ക്‌ കൂട്ടിക്കെട്ടി കണ്ണുകള്‍ മൂടിക്കെട്ടിയ നിലയിലായിരുന്നു മൃതദേഹങ്ങള്‍ കാണപ്പെട്ടതെന്ന്‌ പോലീസ്‌ പറഞ്ഞു. നീല പോളിത്തീന്‍ കവറില്‍ പൊതിഞ്ഞനിലയിലാണ്‌ മൃതദേഹങ്ങള്‍ കാണപ്പെട്ടത്‌. ദിമാപൂര്‍ ജില്ലയില്‍ ആരെയെങ്കിലും കാണാതായതായുള്ള വിവരം ഇതുവരെ സ്റ്റേഷനില്‍ ലഭിച്ചിട്ടില്ലെന്നും അതിനാല്‍ മറ്റു ജില്ലയില്‍ നിന്നുള്ളവരായിരിക്കാം കൊല്ലപ്പെട്ടതെന്നാണ്‌ പോലീസ്‌ നിഗമനം.
സമീപവാസികള്‍ വിവരമറിയിച്ചതിനെ തുടര്ന്ന് പോലീസ്‌ സ്ഥലത്തെത്തി നിയമനടപടികള്‍ സ്വീകരിക്കുകയായിരുന്നു. മൃതദേഹങ്ങള്‍ക്ക്‌ രണ്ടാഴ്ചത്തെ പഴക്കമുള്ളതായി കരുതുന്നു. ദിമാപുര്‍ ജില്ലാ ആശുപത്രി മോര്‍ച്ചറിയില്‍ മൃതദേഹങ്ങള്‍ സൂക്ഷിച്ചിരിക്കുകയാണ്‌. കൊലപാതകത്തിനു പിന്നില്‍ പ്രവര്‍ത്തിച്ചവരെ കണ്ടെത്താനുള്ള അന്വേഷണം ആരംഭിച്ചതായി ദിമാപുര്‍ എസ്‌.പി വി.എസ്‌ അന്‍ഗാമി പറഞ്ഞു.
പ്രതികരിക്കാൻ ഇവിടെ എഴുതുക: