ലണ്ടന്‍: ഇംഗ്ലീഷ്‌ പ്രീമിയര്‍ ലീഗില്‍ ലിവര്‍പൂളിനു തിരിച്ചടിയുടെ കാലം. ഇത്തവണ ചെല്‍സിക്കു മുന്നില്‍ ഒന്നിനെതിരെ രണ്ടു ഗോളുകള്‍ക്കു മുട്ടുകുത്തിയ റെഡ്സ്‌ (36) പോയിന്റ്‌ പട്ടികയില്‍ അഞ്ചാമതേക്കു വീണു. ദിവസങ്ങള്‍ക്കു മുന്‍പ്‌ ഒന്നാംസ്ഥാനത്തായിരുന്നു ലിവര്‍. നേരത്തെ മാഞ്ചെസ്റ്റര്‍ സിറ്റിയോടും ലിവര്‍പൂള്‍ തോറ്റിരുന്നു. ജയത്തോടെ ചെല്‍സി (40 പോയിന്റ്‌) ടേബിളില്‍ മൂന്നാമതെത്തി.
നാലാം മിനിറ്റില്‍ മാര്‍ട്ടിന്‍ സ്കെര്‍ട്ടലിന്റെ ഗോളില്‍ മുന്നില്‍ക്കയറിയ ലിവര്‍പൂളിനെ ഈഡന്‍ ഹസാര്‍ഡ്‌ (17 മിനിറ്റ്‌) സാമുവല്‍ എറ്റു (34) എന്നിവരുടെ സ്ട്രൈക്കുകളിലൂടെ ചെല്‍സി കെട്ടുകെട്ടിക്കുകയായിരുന്നു. മറ്റൊരു മത്സരത്തില്‍ ടോട്ടനം സ്റ്റോക്ക്‌ സിറ്റിയെ 3-0ത്തിനു തോല്‍പ്പിച്ചു.
റോബര്‍ട്ട്‌ സൊല്‍ഡാഡൊ (37), മൗസ ഡെംബലെ (65), ആരോണ്‍ ലെനോണ്‍ (69) എന്നിവരാണ് ടോട്ടനത്തിന്റെ ഗോള്‍ വേട്ടക്കാര്‍.
പ്രതികരിക്കാൻ ഇവിടെ എഴുതുക: