ബംഗളൂര്‍: നരേന്ദ്ര മോദിക്കുവേണ്ടി വീടുവീടാന്തരം പ്രചരണം നടത്താന്‍ യോഗ ഗുരു രാംദേവ് തയ്യാറെടുക്കുന്നു. ഇന്നലെയാണ് രാംദേവ് ഇത് സംബന്ധിച്ച പ്രഖ്യാപനം നടത്തിയത്.
ലോക്‌സഭ തെരഞ്ഞെടുപ്പില്‍ പ്രധാനമന്ത്രി സ്ഥാനാര്‍ത്ഥിയായ മത്സരിക്കുന്ന മോദിക്കുവേണ്ടി പ്രചരണത്തിനിറങ്ങുമെന്ന് രാംദേവ് വ്യക്തമാക്കി. എല്ലാ രാഷ്‌ട്രീയ പാര്‍ട്ടികളിലും അഴിമതി നിറഞ്ഞിരിക്കുകയാണ്. എന്നാല്‍ മോദിയെപ്പോലൊരു രാഷ്‌ട്രീയ നേതാവിനെ രാജ്യത്തിന് ആവശ്യമുണ്ട്.
മോദി ഹിമാലയമാണ്. രാഹുല്‍ ഗാന്ധി മോദിയെ അപേക്ഷിച്ച് നോക്കുമ്പോള്‍ തീരെ ചെറുതാണ്. രാഹുള്‍ ഗാന്ധി ഹീറോയില്‍നിന്ന് സീറോയാകും. കഴിഞ്ഞ പത്ത് വര്‍ഷമായി രാഹുല്‍ ഗാന്ധി ഒന്നും തന്നെ ചെയ്തിട്ടില്ലെന്ന് രാംദേവ് പറഞ്ഞു. ബിജെപിയും കോണ്‍ഗ്രസും തമ്മിലുള്ള പ്രധാനപ്പെട്ട വ്യത്യാസം നേതാക്കന്മാരുടെ അഴിമതിയിലുള്ള വ്യത്യാസമാണ്.
ബിജെപിയിലെ ഇപ്പോഴത്തെ നേതാക്കന്മാരിലോ മുന്‍ നേതാക്കന്മാരിലോ അഴിമതി ആരോപണം കേള്‍പ്പിച്ചവരില്ല രാംദേവ് പത്രസമ്മേളനത്തില്‍ പറഞ്ഞു. രാഹുല്‍ ഗാന്ധിയെ കുട്ടിയെന്ന് വിളിച്ച രാംദേവ് മമത ബാനര്‍ജിയും നവീന്‍ പട്‌നായിക്കും അഴിമതിയില്ലാത്തവരാണെന്ന് വ്യക്തമാക്കി.
പ്രതികരിക്കാൻ ഇവിടെ എഴുതുക: