മോസ്‌കോ: റഷ്യയുടെ സൈനിക ചരക്കുവിമാനം തകര്‍ന്ന് ഒമ്പത് പേര്‍ മരിച്ചു. ആന്റനോവ് ആന്‍12 വിഭാഗത്തിലെ സൈനിക ചരക്ക് വിമാനമാണ് അപകടത്തില്‍പ്പെട്ടത്. തെക്കന്‍ സൈബീരിയക്ക് സമീപത്തെ ഇര്‍ക്കുട്‌സ്‌ക് 2 സൈനിക വിമാനത്താവളത്തിലാണ് ചരക്കുവിമാനം തകര്‍ന്നത്.
ലാന്‍ഡിംഗിനിടെയാണ് അപകടമുണ്ടായത്. ആറ് വിമാന ജീവനക്കാരും മൂന്ന് കാര്‍ഗോ കമ്പനി ജീവനക്കാരുമാണ് മരിച്ചത്. അപകട കാരണം വ്യക്തമായിട്ടില്ല. സംഭവത്തില്‍ റഷ്യന്‍ അധികൃതര്‍ അന്വേഷണം ആരംഭിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: