ഭോപ്പാല്‍: മധ്യപ്രദേശില്‍ മൂന്ന് സിമി ഭീകരരെ പിടികൂടി. മധ്യപ്രദേശ്‌ ആന്റി ടെററിസ്റ്റ്‌ സ്ക്വാഡ്‌ നടത്തിയ അന്വേഷണത്തില്‍ ബധവാനിയയില്‍ നിന്നാണ്‌ അബുള്‍ ഫൈസല്‍, ഇര്‍ഫാന്‍, ഖാലിദ്‌ എന്നീ ഭീകരരെ പിടികൂടിയത്‌. മൂന്ന് മാസം മുമ്പ്‌ കാന്ത്‌വാ ജയിലില്‍ നിന്ന്‌ രക്ഷപ്പെട്ടവരാണ്‌ ഇവര്‍. ഏഴ്‌ പേരടങ്ങുന്ന സിമി സംഘമാണ്‌ ഒക്ടോബറില്‍ ജയിലില്‍ നിന്ന്‌ രക്ഷപ്പെട്ടത്‌. ഇവരില്‍ ഒരാളെ അന്ന്‌ തന്നെ പോലീസ്‌ പിടികൂടിയിരുന്നു. രക്ഷപ്പെട്ട ആറ്‌ പേര്‍ക്ക്‌ വേണ്ടിയുള്ള തെരച്ചില്‍ നടത്തിവരികയായിരുന്നു.
ഭീകരര്‍ രക്ഷപ്പെട്ടതിനെതുടര്‍ന്ന്‌ കാന്ത്‌വയിലും, ഇന്‍ഡോറിലും പോലീസ്‌ ജാഗ്രതാ നിര്‍ദ്ദേശം നല്‍കിയിരുന്നു. സംഭവത്തില്‍ ജയില്‍ അധികൃതര്‍ക്കെതിരെ വിമര്‍ശനം ഉയര്‍ന്നിരുന്നു. പ്രതികള്‍ രക്ഷപ്പെടുന്നതിനിടെ രണ്ട്‌ പോലീസുകാരെ ആക്രമിച്ച്‌ പരിക്കേല്‍പ്പിക്കുകയും ചെയ്തിരുന്നു.
പ്രതികരിക്കാൻ ഇവിടെ എഴുതുക: