റലേഗന്‍സിധി: അരവിന്ദ്‌ കേജ്‌രിവാളിന്റെ സത്യപ്രതിജ്ഞ ചടങ്ങില്‍ അണ്ണാഹസാരെ പങ്കെടുക്കില്ല. ആരോഗ്യപരമായ പ്രശ്നങ്ങള്‍ ഉള്ളതിനാല്‍ ദല്‍ഹിയിലെ രാംലീലാ മൈതാനിയില്‍ നടക്കുന്ന ചടങ്ങില്‍ പങ്കെടുക്കാന്‍ ബുദ്ധിമുട്ടുണ്ടെന്ന്‌ ഹസാരെ വ്യക്തമാക്കി.
ദല്‍ഹിയില്‍ ആംആദ്മി പാര്‍ട്ടി അധികാരത്തിലെത്തുന്നത്‌ സംബന്ധിച്ച്‌ പ്രതികരണത്തിന്‌ ഹസാരെ നേരത്തെ തയ്യാറായിരുന്നില്ല. എന്നാല്‍ ലോകായുക്ത വിഷയത്തില്‍ ചില കാഴ്‌ച്ചപ്പാടുകള്‍ അദ്ദേഹം വ്യക്തമാക്കി.
കോണ്‍ഗ്രസ്‌ പിന്തുണയോടെ ആം ആദ്മി ദല്‍ഹി ഭരിക്കുന്നതിനെക്കുറിച്ചുള്ള ചോദ്യത്തിന്‌ എന്തു തന്നെയായാലും നല്ലതാണെന്നായിരുന്നു ഹസാരെയുടെ മറുപടി. കേജ്‌രിവാളിനെക്കൊണ്ട്‌ അത്‌ സാധിക്കുമെന്നും ഹസാരെ വ്യക്തമാക്കി. ശരിയാണെന്ന്‌ തോന്നുന്നതെ കേജ്‌രിവാള്‍ ചെയ്യൂ, എന്താണ്‌ അദ്ദേഹം ചെയ്യാന്‍ പോകുന്നതെന്ന്‌ അറിയില്ല. അതുകൊണ്ട്‌ തന്നെ കൂടുതല്‍ സംസാരിക്കാന്‍ താല്‍പ്പര്യമില്ലെന്നും ഹസാരെ പറഞ്ഞു.
പ്രതികരിക്കാൻ ഇവിടെ എഴുതുക: