ചെന്നൈ: പെപ്സികോയുടെ സിഇഒ ഇന്ദിരാ നൂയിയുടെ വസതിയില്‍ വന്‍കവര്‍ച്ച. ചെന്നൈയിലെ ടി നഗറിലെ വസതിയിലാണ്‌ കവര്‍ച്ച നടന്നത്‌. ചില പരിപാടികളില്‍ പങ്കെടുത്ത്‌ പുറത്തുപോയി വന്നപ്പോഴാണ്‌ കവര്‍ച്ച നടന്നതായി ഇന്ദിരാ നൂയി അറിയുന്നത്‌. വിലപിടിപ്പുള്ള പലതും നഷ്ടപ്പെട്ടിട്ടുണ്ടെന്ന്‌ ഇന്ദിര പറഞ്ഞു.
മുന്‍ വാതിലിന്റെ പൂട്ട്‌ തല്ലിപ്പൊളിച്ചാണ്‌ കവര്‍ച്ച നടത്തിയവര്‍ വീടിനുള്ളില്‍ കടന്നത്‌. വീടിന്‌ പുറത്ത്‌ കാവല്‍ നിന്ന സുരക്ഷാ ഉദ്യോഗസ്ഥനെയും സംഭവത്തിനുശേഷം കാണ്‍മാനില്ലെന്നും അവര്‍ പഞ്ഞു.
ഇന്ദിരയുടെ അമ്മയാണ്‌ ഇവിടെ താമസിച്ചിരുന്നത്‌. ആറ്‌ മാസം മുമ്പ്‌ അവര്‍ അമേരിക്കയിലേക്ക്‌ പോയപ്പോള്‍ വീട്‌ പൂട്ടിയിടുകയായിരുന്നു. വീട്ടില്‍ കവര്‍ച്ച നടന്നതുമായി ബന്ധപ്പെട്ട്‌ പോണ്ടി ബസാര്‍ പോലീസ്‌ സ്റ്റേഷനില്‍ പരാതി നല്‍കിയിട്ടുണ്ട്‌. കളവുപോയ സാധനങ്ങളെക്കുറിച്ചുള്ള കണക്ക്‌ അമ്മക്ക്‌ മാത്രമേ അറിയുള്ളൂവെന്നും ഇന്ദിര പറഞ്ഞു. സംഭവത്തില്‍ കേസ് രജിസ്റ്റര്‍ ചെയ്ത പോലീസ്‌ അന്വേഷണം ആരംഭിച്ചിട്ടുണ്ട്‌.
പ്രതികരിക്കാൻ ഇവിടെ എഴുതുക: