ഔറംഗബാദ്: ബീഹാറിലെ ഔറംഗബാദ് ജില്ലയിലുണ്ടായ ആക്രമണത്തില്‍ എട്ട് പോലീസുകാര്‍ കൊല്ലപ്പെട്ടു. ഔറംഗബാദിലെ നബിനഗര്‍ മേഖലയില്‍ വെച്ചാണ് മാവോയിസ്റ്റുകള്‍ ആക്രമണം അഴിച്ചു വിട്ടത്.
ആക്രമണത്തില്‍ ഒരു പോലീസ് ഇന്‍സ്‌പെക്ടര്‍, പ്രത്യേക സഹായ സേനയില്‍ നിന്നുള്ള അഞ്ച് ജവാന്‍മാര്‍, ഡ്രൈവര്‍, ബീഹാര്‍ മിലിറ്ററിയില്‍ നിന്നുള്ള ഒരു ജവാന്‍ എന്നിവരാണ് കൊല്ലപ്പെട്ടത്.
നബിനഗറില്‍ നിന്ന് ടാന്‍ഡ്വായിലേക്ക് പോലീസ് ഉദ്യോഗസ്ഥരുമായി പോകുകയായിരുന്ന ജീപ്പാണ് പൊട്ടിതെറിച്ചത്. പാറ്റനയില്‍ നിന്ന് 200 കിലോമീറ്റര്‍ അകലെയാണ് ഔറംഗബാദ്.
ജാര്‍ഖണ്ഡുമായി അതിര്‍ത്തി പങ്കിടുന്ന ഈ ജില്ല മാവോയിസ്റ്റുകളുടെ ശക്തി കേന്ദ്രമാണ്.
പ്രതികരിക്കാൻ ഇവിടെ എഴുതുക: