ബാഗ്ദാദ്: ഇറാഖിന്റെ കിഴക്കന്‍ പ്രദേശങ്ങളില്‍ പോലീസിനെ ലക്ഷ്യം വച്ച് നടന്ന ചാവേറാക്രമണത്തില്‍ എഴ് പോലീസ് ഉദ്യോഗസ്ഥര്‍ കൊല്ലപ്പെടുകയും 14 പേര്‍ക്ക് പരിക്കേല്‍ക്കുകയും ചെയ്തു.
അല്‍-സലാമിലെ പോലീസ് ആസ്ഥാനത്തിന് പുറത്ത് ഇന്ന് രാവിലെയാണ് ചാവേര്‍ സ്‌ഫോടനം നടത്തിയത്. ബാഗ്ദാദിന്റെ വടക്ക് കിഴക്കായി 75 കിലോമീറ്റര്‍ അകലെയായിട്ടാണ് അല്‍-സലാം സ്ഥിതി ചെയ്യുന്നത്.
ബൊഖോബായ്‌ക്ക് വളരെയടുത്താണ് അല്‍-സലാം. ആശുപത്രി അധികൃതര്‍ അത്യാഹിതങ്ങള്‍ സ്ഥിരീകരിച്ചിട്ടുണ്ട്. ഏപ്രില്‍ മുതല്‍ ബൊഖോബായിലും പരിസര പ്രദേശങ്ങളിലുമായി നടന്ന സംഘര്‍ഷങ്ങളില്‍ ഇതുവരെ 5500ലധികം പേര്‍ കൊല്ലപ്പെട്ടിട്ടുണ്ട്.
പ്രതികരിക്കാൻ ഇവിടെ എഴുതുക: