ഇസ്ലാമാബാദ്: പാക്കിസ്ഥാനിലെ തുറമുഖ നഗരമായ കറാച്ചിയില്‍ നടന്ന സംഘര്‍ഷത്തില്‍ 20 പേര്‍ കൊല്ലപ്പെട്ടു. നഗരത്തിലെ വിവിധ ഭാഗങ്ങളിലായി ഒമ്പത് പേര്‍ തിങ്കളാഴ്‌ച്ച കൊല്ലപ്പെട്ടിരുന്നുവെന്നാണ് റിപ്പോര്‍ട്ടുകള്‍ പറയുന്നത്.
തിരിച്ചറിയാന്‍ കഴിയാത്ത അക്രമികളുടെ വെടിവയ്‌പ്പില്‍ ചൊവ്വാഴ്‌ച്ച പതിനൊന്ന് പേര്‍ കൊല്ലപ്പെട്ടെന്നും ഷിന്‍ഹുവ റിപ്പോര്‍ട്ട് ചെയ്യുന്നു. പ്രതിരോധ വിഭാഗത്തില്‍ നിന്നും മൂന്നും കൊറാങ്കി ടൗണില്‍ നിന്നും രണ്ട് പേരും കൊല്ലപ്പെട്ടു.
തിരിച്ചറിയാത്ത കുറച്ച് ആളുകളും വെടിവയ്‌പ്പില്‍ കൊല്ലപ്പെട്ടിട്ടുണ്ട്. ഭീകരര്‍ക്കെതിരെ നടത്തിയ ക്യാമ്പെയിനില്‍ 3000 കുറ്റവാളികളാണ് അറസ്റ്റ് ചെയ്യപ്പെട്ടത്. സംഘര്‍ഷ സ്ഥലത്ത് നിന്നും നിരവധി ആയുധങ്ങളും പോലീസ് കണ്ടെടുത്തിയിട്ടുണ്ട്.
പ്രതികരിക്കാൻ ഇവിടെ എഴുതുക: