ടാറ്റാ സ്‌കൈ എച്ച്ഡി ബോക്‌സിന്റെവില കുറച്ചു

കൊച്ചി: ടാറ്റാ സ്‌കൈ എച്ച്ഡി ബോക്‌സിന്റെ വില 3,100 രൂപയില്‍ നിന്ന് 2,000 രൂപയായി കുറച്ചു. സാധാരണ സെറ്റ് ടോപ് ബോക്‌സിന്റെ വിലയ്‌ക്കു എച്ച്ഡി സെറ്റ് ടോപ് ബോക്‌സ് ലഭ്യമാവുകയാണ്.1080 ഐ കൃത്യതയോടു കൂടിയുള്ള പിക്ചര്‍ ക്വാളിറ്റി,16:9 ദൃശ്യ വ്യക്തത, ഡോള്‍ഡബി ഡിജിറ്റല്‍ 7.1 എന്നിവ ടാറ്റാ  സ്‌കൈ എച്ച്ഡി സര്‍വീസിന്റെ സവിശേഷതകളാണ്.എച്ച് ഡി ബോക്‌സുകള്‍ക്ക് പ്രിയം വര്‍ദ്ധിച്ച് വരികയാണ്. 2010ല്‍ എച്ച്ഡി സേവനം ആരംഭിച്ചത് മുതല്‍ തന്നെ എച്ച്ഡിയുടെ മികവ് ഉപയോക്താക്കളെ ബോദ്ധ്യപ്പെടുത്താന്‍ ടാറ്റാ സ്‌കൈ ശ്രമിച്ചു വരുകയാണെന്ന് കമ്പനി ചീഫ് കമേഴ്‌സ്യല്‍ ഓഫീസര്‍ വിക്രം മെഹ്‌റ പറഞ്ഞു.