കൊച്ചി: ഡി ടി എച്ച് ദാതാക്കളായ സണ്‍ ഡയറക്ട് ദീപാവലിയോടനുബന്ധിച്ച് ആകര്‍ഷകമായ ഓഫറുകള്‍ പ്രഖ്യാപിച്ചു. സിനിമാ പ്ലസ് സ്‌പോര്‍ട്‌സ് പാക്ക് 1890ന് രണ്ട് മാസത്തെ സബ്‌സ്‌ക്രിപ്ഷന്‍ സൗജന്യമായിരിക്കും. 2290ന് അഞ്ച് മാസത്തെ സബ്‌സ്‌ക്രിപ്ഷന്‍ സൗജന്യമായി ലഭിക്കും. മെഗാപാക്ക് 2090ന് രണ്ട് മാസവും 3490ന് ഏഴുമാസവും സബ്‌സ്‌ക്രിപ്ഷന്‍ സൗജന്യമാകും.
സിനിമ പ്ലസ് സ്‌പോര്‍ട്‌സില്‍ പരസ്യങ്ങളില്ലാത്ത എട്ട് മൂവി ചാനലുകളും സ്റ്റാര്‍ ക്രിക്കറ്റ്, ഇ എസ് പി എന്‍, സ്റ്റാര്‍ സ്‌പോര്‍ട്‌സ് , സ്റ്റാര്‍ സ്‌പോര്‍ട്‌സ് 2 സ്‌പോര്‍ട്‌സ് , എന്നി 4 ചാനലുകളും ഉള്‍പ്പെടുത്തിയിരിക്കുന്നു. വേള്‍ഡ് പാക്കില്‍ ഇംഗ്ലീഷ് സിനിമകള്‍ , ഇന്‍ഫോടെയിന്‍മെന്റ്, ന്യൂസ് എന്നിവയും മെഗാ പാക്കില്‍ സണ്‍ ഡയറക്ട് പ്ലാറ്റ്‌ഫോമിലെ എല്ലാ (190) ചാനലുകളും ലഭ്യമാകും. 11 ചാനലുകള്‍ പ്രത്യേകമായി തെരഞ്ഞെടുക്കാനും അവസരമുണ്ടാകും.
നാല് ഇന്ത്യന്‍ഭാഷകളില്‍ നോണ്‍ സ്റ്റോപ്പ് സിനിമകളും ഉണ്ടായിരിക്കും. ഇതിനെല്ലാം പുറമെ വീഡിയോ റെക്കോഡിങ് സൗകര്യവും ഏര്‍പ്പെടുത്തിയിട്ടുണ്ടെന്നും സണ്‍ ഡയറക്ട് എം ഡി മഹേഷ് കുമാര്‍ വെളിപ്പെടുത്തി.
പ്രതികരിക്കാൻ ഇവിടെ എഴുതുക: