ന്യൂയോര്‍ക്ക്‌: ബിസിനസ്‌ രംഗത്തെ ഏറ്റവും ശക്തരായ 50 വനിതകളുടെ ആഗോള പട്ടിക ഫോര്‍ച്യൂണ്‍ മാസിക പുറത്തിറക്കി. ഇന്ത്യയില്‍ നിന്ന്‌ നാലു വനിതകള്‍ പട്ടികയില്‍ ഇടം നേടി. ഐസിഐസിഐ ബാങ്ക്‌ സിഇഒ ചന്ദാ കൊച്ചാര്‍ നാലാം സ്ഥാനം കൈവരിച്ചു.
നാഷണല്‍ സ്റ്റോക്ക്‌ എക്സ്ചേഞ്ച്‌ (എന്‍എസ്‌ഇ) മാനേജിങ്‌ ഡയറക്ടര്‍ ചിത്രാ രാമകൃഷ്ണ പതിനേഴാമതെത്തി. ആക്സിസ്‌ ബാങ്ക്‌ മേധാവി ശിഖാ ശര്‍മ (സ്ഥാനം: 32), എച്ച്‌എസ്ബിസിയുടെ നൈനാ ലാല്‍ കിഡ്വായ്‌ (സ്ഥാനം: 42) എന്നിവരാണ്‌ പട്ടികയില്‍ ഇടം നേടിയ മറ്റു ഇന്ത്യക്കാര്‍.
എന്‍എസ്‌ഇ മേധാവി ചിത്രാ രാമകൃഷ്ണ ആദ്യമായാണ്‌ പട്ടികയില്‍ ഇടം നേടുന്നത്‌. മറ്റുള്ളവര്‍ മുന്‍വര്‍ഷങ്ങളില്‍ പട്ടികയില്‍ ഇടം പിടിച്ചിട്ടുണ്ട്‌.
ബ്രസീലിയന്‍ ഊര്‍ജ കമ്പനിയായ പെട്രോബ്രാസിന്റെ സിഇഒ മരിയ ദാസ്‌ ഗ്രാസസ്‌ ഫോസ്റ്ററാണ്‌ പട്ടികയില്‍ ഒന്നാം സ്ഥാനത്തുള്ളത്‌.
അമേരിക്കയിലെ ഏറ്റവും ശക്തരായ ബിസിനസ്‌ വനിതകളുടെ പട്ടികയില്‍ ഇന്ത്യക്കാരിയായ ഇന്ദ്ര നൂയി രണ്ടാം സ്ഥാനത്തെത്തി. പെപ്സികോയുടെ മേധാവിയാണ്‌ ഇന്ദ്ര നൂയി.
പ്രതികരിക്കാൻ ഇവിടെ എഴുതുക: