കൊച്ചി: മധ്യസ്ഥതയിലൂടെ തര്‍ക്കങ്ങള്‍ പരിഹരിക്കുന്നതിനു രൂപീകരിച്ച മീഡിയേഷന്‍ ആന്റ്‌ കണ്‍സിലിയേഷന്‍ സെന്ററിന്റെ പ്രവര്‍ത്തനങ്ങളെ കുറിച്ച്‌ ജനങ്ങളെ ബോധവത്കരിക്കണമെന്ന്‌ സുപ്രീം കോടതി ജസ്റ്റിസ്‌ മദന്‍ ബി ലോകൂര്‍ പറഞ്ഞു. കക്ഷികള്‍ തമ്മിലുള്ള ചര്‍ച്ചകളിലൂടെ ക്രിമിനല്‍, സിവില്‍ കേസുകള്‍ പരിഹരിക്കുന്നതിനാണ്‌ മീഡിയേഷന്‍ സെന്ററുകള്‍ ആരംഭിച്ചത്‌. എന്നാല്‍ ഇതിന്റെ പ്രവര്‍ത്തനങ്ങളെ കുറിച്ച്‌ വക്കീലന്‍മാര്‍ക്കുള്‍പ്പടെ കാര്യമായ ധാരണയില്ലെന്നും അദ്ദേഹം പറഞ്ഞു. എറണാകുളം താജ്‌ ഗേറ്റ്‌ വേ ഹോട്ടലില്‍ മീഡിയേഷന്‍ രംഗത്തെ നേട്ടങ്ങള്‍/വെല്ലുവിളികള്‍, ഭാവി എന്ന വിഷയത്തെ ആസ്പദമാക്കി നടന്ന ദക്ഷിണ മേഖലാ മീഡിയേഷന്‍ കോണ്‍ഫറന്‍സ്‌ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. കേരളം, ഒഡിഷ,ജാര്‍ഗണ്ഡ്‌ എന്നിവിടങ്ങളിലാണ്‌ പെയിലറ്റ്‌ പദ്ധിതിയയ്‌ മിഡിയേഷന്‍ സെന്ററുകള്‍ ആരംഭിച്ചത്‌ .ഇതില്‍ കേരളത്തില്‍ നിന്നും ജാര്‍ഖണ്ഡില്‍ നിന്നും മികച്ച പ്രതികരണമാണു ലഭിക്കുന്നതെന്നും അദ്ദേഹം പറഞ്ഞു. കേരളത്തില്‍ എറണാകുളത്തും, .തൃശൂരുമാണ്‌ അദ്യഘട്ടമായി പദ്ധതി നടപ്പാക്കിയത്‌. എന്നാല്‍ മിഡിയേഷന്‍ ഉദ്യോഗസ്ഥരുടെ എണ്ണത്തിനനുസൃതമായ ഫലം ഈ മേഖലയില്‍ നിന്നും ലഭിക്കുന്നില്ല. അടിസ്ഥാന സൗകര്യങ്ങളുടെ അഭാവവും. സാമ്പത്തിക പ്രതിസന്ധിയും ഇതിനു കാരണമാവുന്നുണ്ട്‌. വര്‍ഷങ്ങളായി കെട്ടികിടക്കുന്ന കേസുകള്‍ പലതും തീര്‍പ്പു കല്‍പ്പിക്കാന്‍ ഇതുവഴി കഴിഞ്ഞിട്ടുണ്ട്‌. മിഡിയേഷന്‍ പ്രവര്‍ത്തനങ്ങള്‍ വരും വര്‍ങ്ങളില്‍ കൂടുതല്‍ വ്യപിപ്പിക്കാന്‍ കഴിയുമെന്നും അദ്ദേഹം പറഞ്ഞു. കേരള സ്റ്റേറ്റ്‌ മീഡിയേഷന്‍ ആന്റ്‌ കണ്‍സിലിയേഷന്‍ സെന്ററിന്റെ ആഭിമുഖ്യത്തില്‍ നടന്ന ചടങ്ങില്‍ ഹൈക്കോടതി ചീഫ്‌ ജസ്റ്റിസ്‌ മഞ്ജുള ചെല്ലൂര്‍ അധ്യക്ഷയായി.ജസ്റ്റിസുമാരായഎ കെ സിക്രി ,എസ്‌ എസ്‌ നിജ്ജാര്‍ എസ്‌ സിരിജഗന്‍,ഹാറൂണ്‍ അല്‍ റഷീദ്‌,എന്നിവര്‍ സംസാരിച്ചു.ചടങ്ങില്‍ കേരളത്തിലെ മിഡിയേഷന്‍ രംഗത്തെ കാര്യങ്ങള്‍ വിശദീകരിക്കുന്ന അനുരഞ്ചനം മാഗസിന്‍ ജസ്റ്റിസ്‌ എ കെ സിക്രി ഹൈക്കോര്‍ട്ട്‌ ചീഫ്‌ ജസ്റ്റിസ്‌ മഞ്ജുള ചെല്ലൂരിനു നല്‍കി പ്രകാശനം ചെയ്തു. തുടര്‍ന്ന്‌ മീഡിയേഷന്‍ രംഗത്തെ സാധ്യതകളേയും വെല്ലു വിളികളേയും കുറിച്ച്‌ വിദഗ്ധര്‍ വിഷയമവതരിപ്പിച്ചു. ആന്ധ്ര,കര്‍ണാടക,തമിഴിനാട്‌ ,പോണ്ടിച്ചേരി,കേരളം എന്നിവിടങ്ങളില്‍ നിന്നായി 400ഓളം പ്രതിനിധികള്‍ കോണ്‍ഫറന്‍സില്‍ പങ്കെടുത്തു. സ്റ്റേറ്റ്‌ ലീഗല്‍ സര്‍വ്വീസ്‌ അതോറിട്ടികളുടെ കീഴിലാണ്‌ മീഡിയേഷന്‍ സെന്ററുകള്‍ പ്രവര്‍ത്തിക്കുന്നത്‌.
Friday, November 29, 2024
മീഡിയേഷന്‍ സെന്ററിന്റെ പ്രവര്‍ത്തനങ്ങളെക്കുറിച്ച്‌ ബോധവല്‍ക്കരണം നടത്തണമെന്ന്‌
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: