ബാങ്കോങ്: തെക്കുകിഴക്കന്‍ ഏഷ്യന്‍ രാജ്യമായ ലാവോസില്‍ വിമാനം നദിയിലേക്ക് തകര്‍ന്നുവീണു. അപകടത്തില്‍ 49 പേര്‍ കൊല്ലപ്പെട്ടതായാണ് വിവരം. തായ്‌ലാന്‍ഡ്കംബോഡിയ അതിര്‍ത്തിക്കടുത്ത് ലാവോസിലെ ചാമ്പസാക് പ്രവിശ്യക്കടുത്ത് മികോംഗ് നദിയിലേക്കാണ് വിമാനം തകര്‍ന്നുവീണത്. ബുധനാഴ്‌ച്ച ഉച്ചതിരിഞ്ഞാണ് സംഭവം.
മരിച്ചവരില്‍ അഞ്ച് വിമാന ജീവനക്കാരും ഉള്‍പ്പെടുന്നു. ലാവോസ് തലസ്ഥാനം വിയന്റിയാനില്‍ നിന്നും യാത്ര തിരിച്ച ലാവോ എയര്‍ലൈനിന്റെ വിമാനമാണ് അപകടത്തില്‍പ്പെട്ടത്. മോശം കാലാവസ്ഥയാണ് അപകട കാരണമെന്നാണ് പ്രാഥമിക നിഗമനം. അപകടത്തില്‍ മരിച്ചവരില്‍ 5 തായ് സ്വദേശികള്‍ ഉണ്ടെന്നാണ് വിവരം. അപകടത്തെക്കുറിച്ച് അന്വേഷണം ആരംഭിച്ചിട്ടുണ്ടെന്നും കൂടുതല്‍ വിവരങ്ങള്‍ പിന്നീട് അറിയിക്കാമെന്നും ലാവോ എയര്‍ലൈന്‍ അധികൃതര്‍ അറിയിച്ചു.
പ്രതികരിക്കാൻ ഇവിടെ എഴുതുക: