കൊച്ചി: ദല്‍ഹിയില്‍ ഒക്ടോബര്‍ 27 ന്‌ നടത്തുന്ന 2013 ഫോര്‍മുല വണ്‍ എയര്‍ടെല്‍ ഇന്ത്യന്‍ ഗ്രാന്റ്‌ പ്രീക്കായുള്ള ടിക്കറ്റുകള്‍ വിജയിക്കാന്‍ എമിറേറ്റസിന്റെ സ്കൈവാര്‍ഡ്‌ അംഗങ്ങള്‍ക്ക്‌ അവസരം ലഭിക്കും. നൂറു ടിക്കറ്റുകളാണ്‌ എമിറേറ്റ്സ്‌ നല്‍കുക. ഫോര്‍മുല ഒന്നിന്റെ ആഗോള പാര്‍ട്ട്ണറാണ്‌ എമിറേറ്റ്സ്‌.
മല്‍സരത്തിനായുള്ള നൂറു ടിക്കറ്റുകള്‍ ഒക്ടോബര്‍ 16 വരെ വിജയിക്കാന്‍ അവസരം ലഭിക്കും. എമിറേറ്റ്സിന്റെ 135 കേന്ദ്രങ്ങളിലെവിടേക്കെങ്കിലും നവംബര്‍ 30 നു മുന്‍പു സഞ്ചരിക്കാനായുള്ള ടിക്കറ്റുകള്‍ ംംം.ലാശൃമലേെ.രീാ/ശി വഴി വാങ്ങുന്നവര്‍ക്കായിരിക്കും ഈ മല്‍സരത്തില്‍ പങ്കെടുക്കാന്‍ അര്‍ഹത. എമിറേറ്റ്സിന്റെ സ്ക്കൈവാര്‍ഡ്‌ അംഗങ്ങളല്ലാത്തവര്‍ക്ക്‌ ഈ സൈറ്റു വഴി അംഗങ്ങളാകാനും മല്‍സരത്തില്‍ പങ്കാളികളാകാനും കഴിയും. എമിറേറ്റ്സ്‌ സ്ക്കൈവാര്‍ഡ്സ്‌ അംഗങ്ങള്‍ക്കുള്ള മറ്റ്‌ ആനുകൂല്യങ്ങളും അവര്‍ക്കു ലഭിക്കും. അംഗങ്ങളായി രജിസ്റ്റര്‍ ചെയ്ത ശേഷം ഫോര്‍മുല വണ്‍ സംബന്ധിച്ച ഒരു ചോദ്യത്തിന്‌ കൃത്യമായ മറുപടി നല്‍കണം.
പത്ത്‌ ഇന്ത്യന്‍ ഗേറ്റ്‌വേകള്‍ വഴി ആഴ്ചയില്‍ 185 ഫ്ലൈറ്റുകളാണ്‌ എമിറേറ്റ്സ്‌ നടത്തുന്നത്‌. നിലവില്‍ ഇന്ത്യയിലെ 7,00,000 സ്ക്കൈവാര്‍ഡ്സ്‌ അംഗങ്ങള്‍ വിവിധ ആനുകൂല്യങ്ങള്‍ കരസ്ഥമാക്കുന്നുമുണ്ട്‌. വിവിധ എയര്‍ലൈനുകള്‍, ഹോട്ടലുകള്‍, കാര്‍ റെന്റലുകള്‍, ഫിനാന്‍ഷ്യല്‍ പാര്‍ട്ടണര്‍മാര്‍ എന്നിവ വഴിയും ഇതിന്റെ ഭാഗമായുള്ള മെയിലുകള്‍ നേടാമെന്ന്‌ സ്ക്കൈവാര്‍ഡ്സ്‌ സീനിയര്‍ വൈസ്‌ പ്രസിഡന്റ്‌ ബ്രെയന്‍ ലാ ബെല്ലെ ചൂണ്ടിക്കാട്ടി.
പ്രതികരിക്കാൻ ഇവിടെ എഴുതുക: