തൃശൂര്‍: കുട്ടനെല്ലൂരില്‍ സൗത്ത്‌ ഇന്ത്യന്‍ ബാങ്കിന്റെ റീട്ടെയില്‍ ശാഖയുടെ ഉദ്ഘാടനം ചലച്ചിത്ര താരം ഇന്നസെന്റ്‌ നിര്‍വഹിച്ചു. ചടങ്ങില്‍ ബാങ്ക്‌ എംഡിയും സിഇഒയുമായ ഡോ.വി.എ.ജോസഫ്‌ അധ്യക്ഷത വഹിച്ചു. തിങ്കള്‍ മുതല്‍ വെള്ളി വരെ രാവിലെ 8 മണി മുതല്‍ വൈകിട്ട്‌ ആറ്‌ മണി വരേയും ശനിയാഴ്ചകളില്‍ രാവിലെ എട്ട്‌ മുതല്‍ ഉച്ചയ്‌ക്ക്‌ രണ്ട്‌ മണിവരേയുമാണ്‌ പ്രവര്‍ത്തന സമയം. തനത്‌ ബാങ്കിംഗ്‌ സേവനങ്ങള്‍ക്ക്‌ പുറമെ ലോക്കര്‍ സൗകര്യം, ഭവനവായ്പാ, വാഹന വായ്പാ, സ്വര്‍ണ വായ്പാ എന്നിവയ്‌ക്ക്‌ പ്രത്യേകം കൗണ്ടറുകളും ഇവിടെ ഉണ്ട്‌.
എടിഎം കൗണ്ടറിന്റെ ഉദ്ഘാടനം പ്രൊഫ.പി.സി. തോമസ്‌ നിര്‍വഹിച്ചു. ജോസ്‌ ആലുക്കാസ്‌ ഗ്രൂപ്പ്‌ ചെയര്‍മാന്‍ ജോസ്‌ ആലുക്കാസാണ്‌ റീട്ടെയില്‍ ക്രെഡിറ്റ്‌ ഡിവിഷന്‍ ഉദ്ഘാടനം ചെയ്തത്‌. വിദ്യാര്‍ത്ഥികള്‍ക്കായുള്ള ബാങ്ക്‌ സ്കോളര്‍ഷിപ്പുകളുടെ വിതരണം സെന്റ്‌ ജോണ്‍ ബോസ്കോ പള്ളി വികാരി റവ.ഫാദര്‍ ബിജോ ചാലിശ്ശേരി നിര്‍വഹിച്ചു. സേഫ്‌ ഡിപ്പോസിറ്റ്‌ ലോക്കറുകളുടെ ഉദ്ഘാടനം ഹില്‍ഗാര്‍ഡന്‍സ്‌ വെല്‍ഫയര്‍ അസോസിയേഷന്‍ പ്രസിഡന്റ്‌ ഇന്ദ്രന്‍ നായര്‍ പി. നിര്‍വഹിച്ചു.
പ്രതികരിക്കാൻ ഇവിടെ എഴുതുക: